random
أخبار ساخنة

يا ترى سيادتك بتعمل أيه لما حد يستفزك ؟؟

.
هذا الموضوع له علاقة بقسم : جـدد حـيـاتـك ، ثقافة لذيذة



النرفزة والضيق والعصبية والإستفزاز ( كل حاجة وليها حل )


يا ترى سيادتك بتعمل إيه لما حد يستفزك ؟؟ لما حد ينطط عفاريت وعفريتات الدنيا كلها قدام عينيك ؟؟ هل تصرخ فى وجهه ؟؟ هل ترزع ما بيدك على الأرض وتنقض عليه انقضاض الليث على فريسته ؟؟ هل تهرب من مواجهته أخذاً بمبدأ الباب اللى يجيلك منه الريح سده واستريح ؟؟ أنا وأعوذ بالله من كلمة أنا بعد طول تجربة فى الزهق والنرفزة والأعصاب المتورمة أقدر أقولك إن قدامك أوبشن من الأوبشنين دول -- :


أوبشن رقم واحد 1 :



إنك تعمل زى الثلاجة يعنى مهما كان اللى قصادك يعصب ويجيب الضغط والسكر والذى منه حاول تبقى هادئ ، خليك واثق من نفسك ، أنا عايز حضرتك واد كووول عايزك تنظر إلى الدنيا وإلى الأفندى اللى بينطط الدنيا قدام عينيك نظرة برود لأن مفيش حاجة تستاهل النرفزة والعصبية ، وكل شىء بالخناق إلا الجواز بالاتفاق وإن اللى إنت بتقوله وانت عصبى ممكن تقوله برضه وإنت هادى وكووول على الآخر ، إنت ممكن يكون علو صوتك ده لأنك متمكن وواثق من نفسك اعرف إن علو الصوت والغضب ممكن يخلو الواحد يغلط من غير ما يحس ، وياما حصلت مشاكل بسبب نوبات الغضب اللى بتتحكم فى الإنسان وتخليه يفقد أعصابه ويعمل حاجات بيندم عليها فيما بعد .


أوبش رقم اثنين 2 :




إنك تعمل زى حضرتى ، عارف أنا بعمل إيه ( ولا حاجة ) .... آه والله ولا حاجة ، بافضل ساكت ساكت وبعدما اللى بيتكلم قصادى يخلص أقوله كل اللى أنا عايزه ، بافضل صابر لغاية ما يقول اللى عنده وبعدين أعلق براحتى ، باعمل لنفسى no comment بيبقى اللى قصادى بيحمر ويخضر وأنا ولا هنا .. أنا no comment شوفت بقى الموضوع سهل ازاى بس كل الحكاية إنك تدرب نفسك ، تنوى مع نفسك من بداية يوم كده إنك : النهاردة مش هزعق ولا هتعصب هتعامل مع كل الناس وكل حاجة بمبدأين هما take it easy ، be cool ، وشوف اليوم ده هيعدى إزاى وشوف الهدوء والسكينة والسلام اللى هتحس بيهم فى نهاية اليوم ، وطبعاً هتحاول تكرر الكلام ده على طول مش اليوم ده بس ولا إيه ؟؟





إيه رأيك فى tow options دول جامدين صح ... وأتمنى أكون أفدت سيادتك وحليت الأسئلة اللى قلتها لك فى البداية ، سلام بقى لاحسن أخويا بيستفزنى دلوقتى وشكلى هطلع ضيقى وزرابينى عليه .

يا ترى سيادتك بتعمل أيه لما حد يستفزك ؟؟
علام الخفاجي

تعليقات

6 تعليقات
إرسال تعليق
  • سحر الأيام20 سبتمبر, 2009

    أنا بجد بتشكركم وبتشكر خصوصا كاتب الموضوع وهو إنسان رائع وأنا أشهد إلو تحياتي تقبلوها حتي لو ما كنت منكم

    حذف التعليق
    • كوول بس بلئدب29 سبتمبر, 2009

      انا ماينفع معاي لئن دائمن احول اسكت عشان اذا قمت و الله اعلم يمكن اغل شي اشنقه

      حذف التعليق
      • يارا07 أكتوبر, 2009

        انا بقي زيك يعني كول انا الاول كنت اتعصب لكن دلوقتي ان عرفت انك لو اتعصبت نت اللي الوحيد اللي حتتعب في الوضوع ه لكن لو سكت للي استفزك هو للي حيضايق

        حذف التعليق
        • غير معرف22 أكتوبر, 2009

          بسم الله الرحمن الرحيم


          ده انا لزم اتنرفز علشان ارتاح نفسي

          حذف التعليق
          • غير معرف23 أكتوبر, 2009

            الحلم سيد الأخلاق
            وما فيه شي في الدنيا يستاهل العصبية والنرفزة
            تزعل وتعصب ولا راح تلقى احد داري عنك
            ابتسم واحمد ربنا على نعمة الاسلام واذكر الله ينجلي همك بدل ما تعصب وترق دمك
            s3lo@hotmail.com

            حذف التعليق
            • غير معرف19 يونيو, 2010

              تسلم ايدك اوبشنين رائعه

              لكن الالتزام فيها يحتاج تدريب عليها وعزيمه

              حذف التعليق
              google-playkhamsatmostaqltradent