random
أخبار ساخنة

زمان المعاكسات كانت يا عسل يا قمر دلوقت الأمر تطور

.
هذا الموضوع له علاقة بقسم : ثقافة لذيذة ، دين ممتع



نصائح بناتية للتغلب على المعاكسات .. أوعى تردى عليهم ولو حد لمسك صوتى وما تركبيش الميكروباص بالليل لوحدك !

الجديد الآن أن هناك مواسم للمعاكسة وهي الأعياد بشكل عام وخصوصا عيدي الفطر والأضحى ده حتى فى 6 أكتوبر ماسبهوش وموسم الإجازات المصايف يعنى ، ويا سلام لو كنتم بنات أصحاب شلة مع بعض يعنى حتسمعوا كمية معاكسات كتيرة جداً وكلام حتى ماتقدرش تقوله بينك وبين نفسك مثلا لو كنت فى الأتوبيس واقفة فيه اللى يجى يوقف جنبك ويفضل مركز معاكي ، واللى يوقف جنبك أوى عشان قال إيه ما فيش مكان غير ده فى الأتوبيس آه والميكروباص كمان ،

عندى حاجات أمي قالتها لي أول حاجة ماترديش عليه وسبيه يتكلم وبالنسبة لو اتطور للمس وكنت فى الأتوبيس مثلا صوتى بكل قوتك وماتعديش من شوارع ضلمة لوحدك ومتركبيش ميكروباص بالليل لوحدك فاضي وبالنسبة للحل أحنا مش من حقنا نقول لولد مرتبه ما بيكفيش عيش حاف انه يتجوز وبالتالى هيعمل إيه وهو شايف البنات رايحة جاية قدامه والحل فى رأيى ان أحنا مانرميش كل حاجة على الولاد اللى بيعاكسوا بس ونحاول أحنا البنات مانستفزهومش ، مثلاً اللبس يكون واسع ومحتشم والمشية محترمة .




إسراء محمد تقول :

زمان المعاكسات كانت يا عسل يا قمر ... دلوقت الأمر تطور وبقى ( الساعة كام وهنتقابل فين ؟ ) من غير أى حياء !!

مش عارفة بصراحة هو انا المفروض كنت أتكلم فى الموضوع ده ولا لأ لأن السؤال للبنات اللى بتتعاكس ........ البنات بقى وبما إني مش بعتبر نفس من البنات اللى الواحد بيشوفهم اليومين دول اللى بيطلقوا عليهم لفظ كده قريب من ( فاكهة الموز ! ) ، فده اللى كان مخلينى مترددة اكتب ولا لأ ، بس قلت إني ممكن أتكلم عن الموضوع عامة مش عن نفسي بشكل خاص ، يعنى زمان كنت بسمع أن المعاكسات بتقتصر على « ياعسل / إيه القمر ده / يا جميل » لكن دلوقتى المعاكسات بقى ليها نيولوك ، يعنى مثلا واحد يسأل الساعة كام وإن غلطتى ورديتى يرد بمنتهى الاستظراف فين بقى ؟! ولا واحد يخبط اسم ييجي فى دماغه ويقولك مش أنتي فلانة وساعات الصدفة تحكم والله ويكون الاسم صح ،




ولا مثلا اللى يبسبس ولو دورتي وبصيتي بطريقة تلقائية يعمل أنه بيكلم صاحبه ، أو يغتت ويقولك هو مفيش غيرك فى الشارع ده ، غير اللى يقولك بخ ، وطبعا اللى يكلمك مثلا لمدة بطول الشارع والمفروض انك ماشية فى حالك ومش بتردي فيكون رده عليكي « هو انتى افتكرتى نفسك حلوة بجد ولا أيه » والله الكلام ده سمعته وشوفته بعينى من صحابى وقرايبي انا سمعت كمان إن دلوقتى البنات كمان بيعاكسوا الولاد ليه لأ ، احتمال برضه مش الرجالة دلوقتى بتطالب بالمساواة يمكن بعد كام سنة كده نلاقى البنات هي بس اللي بتعاكس !




طبعاً ملخص موضوع المعاكسات ده بسبب البعد عن الدين ونقص الحياء وقلة التربية وعدم الخوف على الأعراض ، لأن الذى يعاكس بنت لو تذكر أن له اخت وأم وخالة و عمة و بنت ما تجرأ على هذا الفعل القبيح وهذه المعصية المخذية التى تدل على دناءة الأصل وفساد المنبع وخسة الطبع وكذلك البنت لو كان معدنها أصيل ومن بيت محترم وعندها ذرة حياء أو بعض من الأخلاق ما تجرأت على اللبس الفاضح الضيق والمشية المايعة والكلام بصوت ناعم لجذب الإنتباه والخروج من البيت لداعى وبدون داعى ..

يارب سلم يارب سلم يارب سلم

زمان المعاكسات كانت يا عسل يا قمر دلوقت الأمر تطور
علام الخفاجي

تعليقات

10 تعليقات
إرسال تعليق
  • nader32 photo
    nader3215 نوفمبر, 2010

    أنا أزعل و قلبي يحترق على البنات اللاتي يتعرضون للمعاكسة القصيرية في مكان غريب وهن قد ذهبو إليه عنوة لسبب مجبر كالدراسة أو العمل

    الله يستر على بناتنا و بنات المسلمين
    وعيد مبارك

    حذف التعليق
    • غير معرف21 فبراير, 2011

      اعتقد انى اتفق مع كل كلمه فى هذا الموضوع
      وابدى اعجابى الشديد بالكاتب وبذات انه يكره الكلمه الى تقال على البنات شبه فاكه الموز
      انا اول اما اسمعها بيجيلى شلل

      حذف التعليق
      • غير معرف07 يونيو, 2011

        موضوع رائع لان مجتمعنا بحاجة الى الرجوع الى اصله وعدم الذوبان في ثقافة الغرب ومقاسده ..لم يرتق المجتمع العربي الا بقيم الاسلام وبدونها نعود همجا رعاعا كما كنا قبل الاسلام

        حذف التعليق
        • غير معرف27 أكتوبر, 2011

          تسلم الايادي على هذا الموضوع الذي كان مفقود في متاهة التحضر والتطور
          مشكروة يأأختي الكريمة والله يكثر من امثالك
          ويارب اي فتاة تقرأ الموضوع تتعض وتحتشم أذا كانت محتشمة
          وأي شاب يقرأ الموضوع لازم يبطل التحرش والمعاكسة مو من أجل أمه أو أخته أو خالته أو عمته لا بس من أجل انه المعاكسة مو من أخلاق الشاب المثقف

          حذف التعليق
          • غير معرف19 ديسمبر, 2011

            انا اتفق مع كل كلامه فى هذا الموضوع طبعا المعاكسات بتحرج البنت جدا سواء فى بلدها اوفى بلد غريبه وخصوصا اذا كانت ماشيه بمفردهاواشكر الاخت التى كتبت هذا الموضوع

            حذف التعليق
            • غير معرف04 فبراير, 2012

              مشكورة خيتي كلامك صحيح..والحين حتى المنقبة مو خلصانة من المعاكسات..
              ياربي اسألك الهداية للشباب والبنات..
              ياربي اسألك الستر و العفاف..

              حذف التعليق
              • غير معرف15 فبراير, 2012

                في الوقت الحالي مافيه معاكسات للبنات لأن البنت اللي بخاطرها تعاكس تقدر وبكل سهوله ، من هذا المنطلق لانلقي باللوم فقط على الشباب لأنهم بشر إذا شافو بنت عيونهم تزيغ على طول ، البنت لازم تكون في خالها ولاتحاول تلفت الأنظار لها .. أتوقع العاقل هنا خصيم نفسه .

                كلام بالخاطر ورغبت بطرحه

                حذف التعليق
                • غير معرف31 أغسطس, 2012

                  حقاموضوع رائع.الحل هو الرجوع للدين من الشباب و الشابات.و على البنات ان يلبسوا لبس محتشم و لا يخرجوا من البيت الا للضرورة.ولا يردوا على الحيوانات التى تعاكسهم.و يتركوهم ينبحوا حتى يملوا و ينقلعوا فستين داهية.الله يهدى اولادنا و بناتناو التربية الاسلامية الصحيحة و قاية ناجعة ضد هده الامراض المجتمعية.

                  حذف التعليق
                  • غير معرف17 يناير, 2014

                    حسبي الله ونعم الوكيل في كل ما يسمى راجل يعاكس او يتحرش ببنت

                    حذف التعليق
                    • غير معرف28 أكتوبر, 2015

                      بجد الموضوع جميل وعندك حق في كل كلمه قولتيها
                      وانا بشكرك علي نصيحتك لينا

                      حذف التعليق
                      google-playkhamsatmostaqltradent