random
أخبار ساخنة

حوار خطير مع شاب هكر مصرى .. قرصان مواقع ؟

.



نبدأ ببعض الجمل التى كتبها الهكر المصرى عند إختراقه موقع جريدة الشروق الجزائرية فى صفحتها الرئيسية ثم نبدأ الحوار معه ...

السلام عليكم ورحمة الله وبركاته .. أولاً تحياتى لكل جزائرى شريف محترم وتحياتى لبلد المليون ونصف المليون شهيد .

بدأت الشروق الجزائرية المسماة بجريدة بنشر أخبارها المغلوطة والمثيرة للجماهير وللشعب الجزائرى وبنشر أشياء عديدة تسىء للمصريين ليس لها أساس من الصحة : حيث إنها لا تعتبر أخباراً بل هى مجرد " آراء متحيزة " من قبل كتابها الذين لا يعرفون الفرق بين الخبر والرأى .

ومصر لن تقبل بأى شكل كان تلويث سمعتها التى ستبقى دائماً ، وستظل دوماً أم الدنيا ومهد الحضارات ، مهما حاولت مجموعة أوراق تحمل آراء أشبه بالقصص الخيالية تحت مسمى " الشروق " أن تسىء لها .

الكلمات السابقة هى التى اختارها القرصان المصرى الذى اخترق موقع جريدة " الشروق الجزائرية " قبل أسبوع ، ليتركها على صفحة الموقع الرئيسية ، بعد أن سيطر عليه ، وهى العملية التى انفردت الدستور بنشر تفاصيلها كاملة فى عدد الأمس .

وتتفرد الدستور اليوم بنشر أول حوار مع مخترق موقع الشروق ، دون ذكر تفاصيل خاصة به ، وفق اتفاق الجريدة معه لتأمينه ، وحمايته من أى ملاحقة قد يتعرض لها ، خاصة أنه أول حوار مع "هاكر" أو قرصان إنترنت مصرى ، يتحدث فيه عن تفاصيل جديدة عن القرصنة الإلكترونية والهاكرز المصريين وأمن المعلومات فى مصر ، وثغرات تأمين المواقع المصرية على الإنترنت وتفاصيل كثيرة غيرها ... تقرأها فى هذا الحوار مع هذا الهاكر الشاب المصرى :

* "هاكر" أو« قرصان إلكترونى »... ماذا تعنى هذه الكلمة تحيداً ؟

- الهاكر هو من يخترق مواقع الإنترنت ، وينفذ خلال ثغراتها الأمنية ، وهم على عدة أنواع ، فهناك الهاكر ذو القبعة البيضاء ، كما يطلقون عليه بالإنجليزية White hat hacker وتعنى الهكر الأبيض أو الأخلاقى ، وهناك الهاكر غير الأخلاقى الذى يعمد إلى التخريب والتدمير ، وهؤلاء يطلق عليهم أصحاب القبعة السوداء ، وهم الأكثر شيوعاً ، وتقتصر مهمتهم على اختراق المواقع والأنظمة بغرض التخريب ، أو كشف معلومات غير مصرح بالوصول إليها ، بالإضافة إلى الهاكر ذى القبعة الرمادية ، وهذا النوع يجمع بين صفات النوعين السابقين ، فيعمل على حماية بعض المواقع وتأمين ثغراتها ، ويتسلل إلى مواقع أخرى ويخترقها ، فى أحيان أخرى ، لكن ليس بهدف التخريب ، وإنما لأنه يرغب فى توصيل رسالة معينة ، لا يمكن توصيلها إلا بهذه الطريقة .




* ووفق أى النوعين تصنف نفسك ؟

الثالث .. فأنا لا أميل إلى التخريب ، ولا أستخدم الهاكنج فى أى أعمال غير قانونية ، لكن الطبيعى أننى أتصفح مواقع عديدة ، وعندما أجد أى ثغرات فى نظم حمايتها أبلغ فريق الدعم الفنى الخاص بها مباشرة ، عن طريق رسالة على صندوق البريد الخاص بهم " الإيميل " .. أو أبلغ أصحابها ، إن كانت مواقع صغيرة ، وفى حالات نادرة ألجأ لاختراق مواقع مثلما فعلت مع موقع " الشروق "

*هل يمكنك اختراق أى موقع على الإنترنت أم أن ذلك يختلف من موقع لآخر ؟

- مفيش نظام أمنى لا يمكن اختراقه ، فكرة القرصنة قائمة من الأساس على الدوران حول نظم الحماية والدخول عبر ثغراتها ، وإذا تأكدت من أن أى نظام يمكن إختراقه تستطيع فعل ذلك ، وفى أحيان كثيرة "بنبتكر" حيلاً وطرقاً للإلتفاف حول نظم حماية المواقع ، لكن فى النهاية هدفنا ( مش بيكون التخريب ) ، وإنما التأمين والحماية .

* كيف ذلك ؟

- يعنى كتير بنلاقى مواقع فيها مشاكل فى الحماية ، أو ثغرات واضحة يمكن اختراقها بسهولة ، وفى الحالة دى بنبلغهم ، وننبهم للمشكلة الأمنية اللى فى موقعهم .




* أعتقد أنك تتكلم الآن عن الهاكر ذى القبعة البيضاء لا الرمادية كما صنفت نفسك منذ قليل ؟

- تقريباً هما قريبين جداً من بعض ، الأبيض والرمادى ، الأسود هو اللى بعيد شوية ، أنا عايز أقول لك لم ن الهاكر ذا القبعة البيضاء عادة ما يكون جهة مستقلة تقوم المؤسسة أو الموقع بإبرام عقد معها لاختبار حماية أنظمتها من الإختراق ، ويقوم الهاكر ذو القبعة البيضاء بمحاولة تفادى جميع المعوقات "أنظمة الحماية" التى يواجهها فى سبيل الوصول إلى معلومة ليس من المفترض أن يصل لها ، وأحياناً يطلب من ذى القبعة البيضاء أن يحاول الإطاحة بنظام قائم بهدف منع المستخدمين من الوصول إلى هذا النظام ، فى حال حدوث مشكلة فنية فيه تتطلب ذلك أو بهدف التأمين فى حالات نادرة جداً .

* هل قمت بتحذيرمواقع شهيرة من ثغرات أمنية ؟

- أكيد .. مثلاً موقع جريدة الوسيط كان فيه مشكلة كبيرة فى التأمين ، وكلمنا إدارة الموقع ونبهناهم ليها وقفلوها ، وكان فى مشكلة زيها فى موقع طريق الإسلام وعملنا معاهم نفس الكلام ، بلغناهم بالمشكلة فى إيميل ، وتابعناها وفعلاً قفلوا الثغرة وأمنوا الموقع ، لكن فى مواقع تانية مشهورة كان فيها مشاكل أمنية وأبلغنا المسئولين عنها لكن محدش فيهم اهتم بإصلاحها أو بتأمين المواقع دى بشكل أفضل ( ولا سألوا فينا ) ..!!
وعموماً مستوى الحماية للمواقع الإلكترونية فى العالم العربى ضعيف جداً مقارنة بالغرب .

* وماذا عن المواقع المصرية ؟

- تأمينها ضعيف جداً ، وفيها الكثير من الثغرات والمداخل ، وقمنا بالإتصال بمواقع عديدة وأرشدناهم إلى تلك الثغرات ، لكن المشكلة الأساسية فى تصميم وبرمجة هذه المواقع التى تعتمد على أساليب قديمة وبدائية للغاية .

* هل يمكن أن تذكر بعض هذه المواقع ؟

هى مواقع كثيرة جداً ، جامعات ومواقع حكومية ومواقع وزارات وهيئات حكومية ... كلها ثغرات ومشاكل فى التأمين ... لكن مينفعش أذكر أسماء المو اقع دى علشان الثغرات لسه موجودة ومش عايزين نجيب العين عليها ، العجيب إن فى مواقع مهمة جداً وحيوية تهم الناس ، ولما لقينا فيها مشاكل وحاولنا ننبه المسئولين عنها لقينا مفيش وسائل إتصال حقيقية بيهم ، يعنى تلاقى إيميل شكلى مجرد شكل بس ، إنما مفيش إتصال أصلاً !!




* ألا يمكنك ذكراسماء بعض هذه المواقع ولو على سبيل التحذير ؟

- على رأسهم موقع ( تى إى داتا ) ( ولينك دوت كوم ) ( و تى لايف ) ، وطريق الإسلام وموقع مصراوى ، ومواقع كتيرة من دى بلغناها بمشاكلها الدفاعية ... الأخطر من كده موقع مصرى عن البرمجيات وهو موقع حكومى على الرابط ده www.iti.gov.eg ... الموقع دا فى مشكلة أمنية خطيرة ، تقدر تقول ثغرة فى التأمين ، ويمكن اختراقه بسهولة بالغة والحصول على ملفاته .


* يعنى المواقع المرتبطة بالإنترنت والتكنولوجيا فى مصرهى أكثر المواقع المعرضة للقرصنة ؟

- بالظبط كده ، المبرمجين بيبرمجوها بمناهج قديمة ، ومبيهتموش بالتأمين والحماية بالقدر الكافى ، والكلام دا مش فى مصر بس على فكرة ، دا فى كل العالم العربى ، وبأبسط الطرق ممكن توصل للوحة تحكم الموقع الرئيسية ، وتتحكم فيه أو تقفله .


* لماذا لا تفصح عن شخصيتك إذن وتتعامل مع هذه المواقع بشكل مباشر طالما أنك لا تقوم بعمل مخالف للقانون ؟

- لأ .. أنا مش عايز أقول أى بيانات عن نفسى ، ولا عايز حد يعرفنى دلوقتى ، أغلب الهكر بيفضلوا التخفى ، ومبيحبوش يعلنوا عن نفسهم ، لإننا بنفضل نفصل بين عالم النت وعالم الواقع اللى ليه خصوصيته .


* هل يمكنك إختراق أى موقع على الإنترنت بغض النظر عن مستوى تأمينه ؟

- إختراق الموقع بيكون حسب مستوى حمايته وحسب إمكانياته ، وحسب انت عايز تعمل ايه فى الموقع ، يعنى عايز مجرد إختراق وتسيب رسالة تقول إنك اخترقت مثلاً ، أو رسالة تحذير للمسئولين عنه بس ، ولا الغرض تخريب الموقع كله وتدميره ، وزى ما قلتلك سابقاً ، مفيش نظام أمنى خالى من الثغرات ، بدليل إن أكبر المواقع العالمية بيتم إختراقها والقرصنة عليها ، لكن فى نفس الوقت تأمين الموقع بيبقى ليه دور مهم جداً فى تلافى أكبر قدر من الضرر ، يعنى كل ما كان التأمين قوياً ، كل ما كانت الخسائر أقل فى حال نجاح أى هاكر فى اختراق الموقع .

* هل هنال حكومات تتعامل مع الهاكر وتستعين بهم ؟

- كتير بينظموا مسابقات فى اختراق الأنظمة ، علشان يوصلوا للهاكرز المهرة ، وفى مصر إمكانات كبيرة فى هذا المجال ، لكن لا يتم إستغلالها بشكل صحيح .

* أقصد حكومات تتعامل مع هاكرز بشكل مباشر ورسمى فى تنفيذ أعمال أومهام لها علاقة بالأمن المعلوماتى ؟

- أكيد طبعاً .. الصين مشهورة جداً بكده ، وكتير بنسمع إن الهجمات اللى بتحصل على موقع جوجل فى الصين ليها علاقة بالحكومة ، والحكومة الصينية طرف فيها بشكل أو بآخر ، والعلاقة دى موجودة فى أكتر من دولة لكن بدرجات متفاوتة ، وفى حروب إلكترونية حصلت بين دول وبعضها ، والحكومات على الجانبين استعانت بالهاكرز ، زى ما حصل بين الهند وباكستان ، وفى المنطقة العربية بيحصل حاجة شبيهة بكدة بين الدول العربية - دول الخليج خصوصاً - وبين إيران ، بين السنة والشيعة تحديداً .

* يعنى شغلكم بيشتبك بالسياسة أحياناً ؟

- أيوة ، بنقدر نوصل رسايل لأى مكان ، ونعلن عن مواقفنا بشكل واضح وسريع ، ومن غير أى حواجز .

* هل هذه هى السياسة من وجهة نظرك ؟

- لا مش كده طبعاً .. أنا بتكلم على السياسة المرتبطة بالإختراقات ، أحياناً بيكون فى اختراق لأسباب سياسية ، لكن فى المنطقة العربية نادراً ما بنلاقى حاجات زى دى ، بتبقى حاجات قليلة جداً ، زى ما أنا عملت فى موقع الشروق الجزائرية ، كان ليا هدف ورسالة ، وأعتقد إنها وصلت للناس كلها .


* هل أنت عضوفى أى حزب سياسى ؟

- لأ .. خالص .. أنا ماليش أى علاقة بالأحزاب السياسة ، ولا بتعامل مع أى جهة رسمية فى السكة دى .


* لماذ ؟ .. هل ترى فى السياسة عيب أوإهانة ؟

- مش دى الفكرة .. كل واحد ليه اهتماماته ، وأنا اهتماماتى بحاجات تانية ، تكنولوجيا ، رياضة ، حاجات زى كده .. وكلها بعيدة عن السياسة .

* ولماذا اخترقت موقع الشروق طالما أنك بعيد عن السياسة ؟

- موضوع الشروق دا مكانش سياسة دولة ، دا سياسة عامة تهم الشعب المصرى كله ، وأنا لما فكرت أخترق الموقع مبصتلوش على إنه موقع جزائرى ، أنا شفته موقع بيسىء لبلدى وبيوجهله اتهامات ومحدش بيرد عليه .. الموقع دا غلط فى حق بلدنا واتمادى فى الغلط وكان لازم نرد عليه ، وكنت عايز من اختراق الموقع دا إنى أوصل رسالة للشعب الجزائرى ، وأفهمهم إن الجريدة دى صفراء ، وعاوزة تبيع وبس ، ودا وصل لعدد كبير من الجزائريين اللى كلمونا على الميل اللى سبناه على الموقع بعد ما سيطرنا عليه ، جزائريين كتير قالوا إنهم فاهمين كويس اللى الشروق بتعمله ، وإنهم رافضين الفتنة اللى بتعملها .




* وهل كان إختراق الشروق بإيعاز من أى جهة رسمية فى مصر كما روجت وسائل إعلام جزائرية ؟

- أكيد لا .. دا كلام فاضى ، فكرة الإختراق نابعة منى أنا ، ده كان موقفى ورفضى لإهانات الجريدة دى للمصريين وللعروبة كلها ، أنا حبيت أقولهم إنكم مش صح ، وإن المنبر اللى انتوا شعللتوا منه الفتنة ممكن يتقفل ، وفى الوقت نفسه حبيت أبين لكل إخوانا الجزائريين إن ماليش أى موقف منهم ، بالعكس أنا بحترم كل جزائرى عربى محترم ، وبأكد إن موضوع الإختراق مكانش له أى علاقة بأى جهة مسئولة أو رسمية فى مصر ، ومسئولو الشروق الجزائرية يعرفوا كده كويس ، هما فاوضونى علشان أرجع الخدومين والموقع كتير ، وعرفوا شروطى لرجوع الهجوم ، مطلبتش فلوس ، بس طلبت يوقفوا إهاناتهم وهجومهم على مصر .

* هل كان إختراق الشروق أول عملية قرصنة إلكترونية لك ؟

- لأ .. مكانتش أول مرة ، أنا اخترقت مواقع كبيرة ومعروفة عالمياً زى موقع الأوفست وموقع النود 32 ، ومواقع سكيورتى أجنبية زى الكاسبر سكاى و بيت دفيندر ... وغيرها ، وزى ما قلتلك قبل كده كانت فكرة الاختراق ابتكار والتفاف حول نظم التأمين ، من غير أى ضرر ، بالعكس كنا بنبه إدارة كل موقع بنكتشف فيه ثغرات أمنية بيها .


* هل معنى قدرتك على إختراق مواقع الحماية أنها تعانى مشاكل تقنية رغم أنها مصممة للحماية والتأمين بالأساس ؟

- توجد مقولة بتقول " خلقت الحماية للإختراق " ، انا مؤمن جداً بالمقولة دى ، وبشتغل على أساسها ... تسمع عن كيفن متنك ؟

* لأ.. أول مرة اسمع الاسم دا .. مين هو ؟

- دا إمبراطور وأسطورة الهاكر والقرصنة فى العالم كله ، أنا قدرت أخترق موقعه وموقع شركته ، والموضوع وصل للصحافة الأمريكية وجرايد كتير نشرت عنه ، وسخروا من إمبراطور الهاكرز اللى حصل على موقعه هاكنج ، لكن عايز أقولك إن دا طبيعى جداً ، معنى إنه يوجد نظام حماية ، إن فكرة الإختراق واردة جداً .




* ألا يراودك شعور بأنك تقوم بعمل خارج على القانون أوعمل إجرامى بشكل ما ؟

- أكيأ لأ .. أنا مابعملش حاجة غلط ، ولا بحاول أأذى حد بأى طريقة ، ولو بحب الأذى كنت خربت فى مواقع كتير ، وكنتوا سمعتوا عنها أكيد فى مصر ، لكن أنا مش كده .

* ناوى تشتغل إيه لما تخلص دراستك ؟

- نفسى أشتغل فى مجالى ، هاشتغل فى أمن المعلومات ، تخصصى وبفهم فيه ، بس لسه محددتش هشتغل فين بالظبط ، مستتى لما أخلص دراستى .

* وهل ستستمرفى شغل الهاكنج وتخترق مواقع ؟

- الإتجاه هينعكس وقتها للناحية التانية ، السكيروتى هيبقى دا شغلى، تأمين
المواقع وإغلاق ثغراتها الأمنية .

* هل هذا المجال موجود فى مصرحالياً ؟


- فى مجال سكيورتى ، لكن اللى شغالين عليه خبرتهم مش كبيرة أوى ، محتاجين تدريب أكتر ، والسكيورتى دول فى أماكن كتيرة حساسة زى البنوك وشركات أمن المعلومات ، وفى استضافة وحماية السيرفرات ، وفى الوقت الحالى تبدى بعض الدول العربية إهتماماً كبيراً بيهم وبهذا المجال عموماً .


وفى نهاية الموضوع ما تعليقك على هذا الحوار الرائع وهل استفدت منه ؟ وهل تفكر فى دخول هذا المجال ؟ أنتظر تعليقاتكم وردودكم


حوار خطير مع شاب هكر مصرى .. قرصان مواقع ؟
علام الخفاجي

تعليقات

65 تعليقًا
إرسال تعليق
  • غير معرف24 مارس, 2010

    بصراحه هاكر محترم
    عمري ماشفت كده ربنا يباركله

    حذف التعليق
    • غير معرف23 مارس, 2012

      يا سيدى الفاضل ده هوكر غير محترف انا استطيع اختراق مواقع دفاع اى دوله فى العالم واستطيع تحريك وتزخير اى صاروخ واطلاقه فى 6 دقاءق

      حذف التعليق
      • غير معرف27 يوليو, 2013

        تيب ممكن تعلمنى مش هتخسر سدانى

        حذف التعليق
      • غير معرف25 مارس, 2010

        حوار رائع .. واجابات منطقية من الهاكر ..
        وانا عن نفسي بتمنى إني اشارك في هذا المجال ..

        حذف التعليق
        • عبد العزيز محمد25 مارس, 2010

          موضوع غاية فى الروعة وحوار من أجمل ما يكون .. فعلاً استفدت من الحوار كثيراً .. تحياتى لك اخى خفاجى ولجريدة الدستور المصرية

          حذف التعليق
          • غير معرف25 مارس, 2010

            ياااااااااااه ؟؟ فعلاً انا أبدى كل التقدير والاحترام لهذا الشاب العربى المحترم وهذا واضح من ردوده فى الحوار ..

            حذف التعليق
            • علام الخفاجي photo
              علام الخفاجي25 مارس, 2010

              شكراً لكم على الردود الطيبة إخوانى وبارك الله فيكم

              حذف التعليق
              • غير معرف25 مارس, 2010

                شعب عربى بنى ثقافة شبابه على ان النصاب ذكى و الحرامى فهلوى و المنتهك مجدع و المغتصب مظلوم ... طبعا كل اللى قراء المقال دا او اغلبهم من الشباب زمانه فاتح بقه و منبهر و عمال يقول يا سلام ايه الحلاوة دى بطل يسلم يمينك و شمالك و جنوبك و يسارك . مثل هذة النوعية لابد ان تعاقب و تهمل مثلها مثل حقائب القمامة انظروا الى الغرب و كفا كذب مثل هذة النوعية يحتقرها الشباب الغربى بشدة و لا عجب اننا فى دول عربية لا تعرف اصلا معنى الخصوصية لازالت لا تجد له تعريف . و سلام

                حذف التعليق
                • على عبد الفتاح25 مارس, 2010

                  اخى الذى يتكلم عن النصب والفهلوة يبدو أنك جديد فى عالم التكنولوجيا ولا تعرف ان هؤلاء المخترقين اللى بتسميهم النصابين العرب موجودون فى كل دول العالم حتى الدول الغربية التى تتحدث عنها ويوجد كل يوم هجوم للمخترقين سواء من اوروبا او الصين او امريكا

                  حذف التعليق
                  • غير معرف25 مارس, 2010

                    تمنينا نعرف شو بيدرس الأخ ؟؟؟؟
                    على كل الله يوفقه للي فيو الخير

                    حذف التعليق
                    • علام الخفاجي photo
                      علام الخفاجي25 مارس, 2010

                      الأخ يدرس فى معهد كمبيوتر 4 سنوات ويعشق عالم الهكر الذى يعتبره عالمه الخاص

                      حذف التعليق
                      • طريق الشباب26 مارس, 2010

                        قريته كله
                        بصراحة
                        حوار جميل جداً

                        حذف التعليق
                        • غير معرف29 مارس, 2010

                          الواد ده بيبالغ أوي

                          حذف التعليق
                          • غير معرف30 مارس, 2010

                            قال رسول الله صلي الله عليه وسلم خير الناس أنفعهم للناس .. وطالما الهكر هذا مابيظر الناس الله يقويه وانا عن نفسي اتمنى ان اتعلم هذا المجال ......

                            حذف التعليق
                            • غير معرف31 مارس, 2010

                              المجال دة عجبني من زمان
                              بس مش لاقي حد يفيدني فيه
                              ياريت لو اي حد يعرف ممكن اتعلم هاكر فين
                              او مع مين حتي لو بفلووس يكلمني علي الميل دة mh115_3@yahoo.com

                              حذف التعليق
                              • غير معرف04 أبريل, 2010

                                ممكن اكلم مدير الموقع وتعليقى على هذا الموضوع رائع وجميل ومميز وأتمنى المزيد من العطاء والتقدم

                                حذف التعليق
                                • غير معرف01 مايو, 2010

                                  تحياتي واشواقي وقبلاتي وتقديري للشاب المصري الهكر ربي يوفقه لعمل الخير يارب حوار رائع رائع بالتوفيق تحياتي للجميع

                                  حذف التعليق
                                  • غير معرف06 مايو, 2010

                                    اريد ان اتعلم هكر ارجو المساعده
                                    DUVX@windowslive.com

                                    حذف التعليق
                                    • غير معرف08 مايو, 2010

                                      hacker4ever548
                                      write on google
                                      Egypt hacker
                                      not crackers

                                      حذف التعليق
                                      • غير معرف17 مايو, 2010

                                        تمام يا عم الحاج ايه الحلوة دى بس استمر

                                        حذف التعليق
                                        • يحيى الليبي24 مايو, 2010

                                          عجيب تبقى الشعوب العربية شعوب متخلفة رغم التطور التكنلوجي والثقافي الم تسمعو او تقرءو عن الخصوصية بكل بساطة اخترق والسلام ! ؟؟ ..
                                          العجيب احنه بنشجع هكذاه نماذج والغريب انه عندما يقرا شخص هذا المقال سوف يقلده والي لازم يحصل هو العكس لازم يشمئز من المقال شو بيخترق ويحصل على كل الملفات هذا ملفات شخصية وقيها بيانات تابعه للشركة معلمة الاختراق حرام شرعأ لا يجوز اخذ بكل البساطه البيانات والتلاعب بيها ..... الكلام كثير تاخرت على الدوووام ......

                                          حذف التعليق
                                          • غير معروف photo
                                            غير معروف06 مايو, 2017

                                            اخي لا تحلل او تحرم لان هذا حرام انت ارتكبت ذنب بس اخي انت لا تعرف اي شئ علي مجال الهاكينج الاخلاقي وعالم البرمجه واختبار الاختراق وامن معلومات

                                            حذف التعليق
                                          • غير معرف01 يونيو, 2010

                                            بصراحة انا بحى كل هاكر لانه بيستخدم ذكائه للاسف ناس كثير مش بيستخدموا مخهم وده سبب تأخرنا فى مصر ان احنا بنقلد مش بنبتكر بس ده مش معناه انى موافقة على فكرة الهاكر بالعكس ده شى مزعج ولااخلاقى بس ممكن نستفيد من ذكاء الناس دى ان احنا نحسن السكيورتى باكتشاف الاخطاء اللى فيها وبصراحة انا بحترم كل شخص بيستخدم ذكائه لانه انسان منتج بس لو فى الخير افضل طبعا

                                            حذف التعليق
                                            • غير معرف18 يونيو, 2010

                                              انتو عارفين انى باخد دورة تعليم هكرز وليا طموحات وكل حاجة تمت بس المشكلة ان الروتر مش راضى يعدينى بس

                                              حذف التعليق
                                              • غير معرف21 يونيو, 2010

                                                على فكرة ده واحد عبقري يا رب ابقا زيه كده

                                                حذف التعليق
                                                • a7med adel photo
                                                  a7med adel09 يوليو, 2010

                                                  السلام عليكم/
                                                  لو سمحتم انا ايميلي علي الفيس بوك اسرق وكان اهم ايميل عندي وحاولت ارجعه ومش عارف
                                                  ممكن حد يفيدني

                                                  حذف التعليق
                                                  • غير معرف09 يوليو, 2010

                                                    صراحة انا عجبني المقال الجميل جدا
                                                    واتمنى لو تقولولي اش متتطلبات لتعلم الهكر
                                                    لأني انا نفسي اتعلم الهكر ارجو مراسلتي على ايميلي :
                                                    almuoshaqeb11@hotmail.com

                                                    حذف التعليق
                                                    • غير معرف18 يوليو, 2010

                                                      انا مصرى انا بجد بعشق الاختراق والتأمين ونفسى اتعلمه وبجد الهاكر المصرى دا حد كويس جدا وربنا يكرمه....انا بحاول اتعلم الهاكرز لوحدى بس فى حاجات كتير مش فاهمها عايز حد بيفهم يعلمنى ممكن ربنا يكرمنى وابقى حاجة كويسة وياريت صاحب موقع عرب بس يحاول يساعدنى فى دا انا اسمى اسماعيل....hakona.matata72@yahoo.com

                                                      حذف التعليق
                                                      • علام الخفاجي photo
                                                        علام الخفاجي19 يوليو, 2010

                                                        أخى إسماعيل والاخ الذى قبله ..
                                                        موضوع تعلم الهاكنج كأى موضوع آخر تريد أن تتعلمه لا بد من وجود العزيمة والإرادة والصبر والبحث وحب هذا التخصص ..

                                                        صدقنى هذا هو كل ما تحتاجه لأن المعلومات والشرح موجود فى آلاف الصفحات على الإنترنت وباللغة العربية كمان فقط إذهب إلى جوجل لترى العجب العجاب ...

                                                        وفعلاً إنتوا نورتوا الموقع بتاعى يا رجالة وتابعوا معى فى المواضيع القادة فى هذا القسم مواضيع اخرى عن الهاكرز

                                                        حذف التعليق
                                                        • غير معرف19 يوليو, 2010

                                                          انا باحترم الهاكر ده جدا و بامانة انتا مفيش زيك لان انا هاكر برضو و فاهم يعنى ايه اختراق اكبر مواقع السيكيوريتى و يعنى ايه اختراق كيفين ميتنيك و شركته
                                                          انا كنت عاوز اقول ان انا كنت باعتبر كيفين ميتنيك قدوة لى قبل قرائتى لهذا الموضوع و ربنا يزيد من امثالك

                                                          حذف التعليق
                                                          • غير معرف15 أغسطس, 2010

                                                            يا غالى ربنأ معاك ويذيدك من كل خير ,,, قليل تلاقىا حقر بالقبعـه البيضاء والرماديه ,, كل من يعرف معلمتين عن الهكر يسلك طريق الشر وتدمير المواقع ولا اعرف لمآذ لا يفعل مثَل الاخ البشوش هذا دمت بصحه وعافيه وحماك الرحمان وننتظر جديدك

                                                            حذف التعليق
                                                            • زيـاد16 أغسطس, 2010

                                                              هاكراعتبره قدوة !
                                                              قليلا ما تجد هاكر ذو قبعة بيضاء ,,
                                                              والاخوان اللى ما يعجبهم الكلام .. اقولهم موضوع الهاك دا فى كل دول العالم بداية من اكبر دول العالم الى احقرها .. ودول الغرب اكثر من 90% من الهكرز بها هكرز ذو قبعة سوداء وهكرز القبعة البيضاء لا يزيدون عن 3 او 4% ..

                                                              حذف التعليق
                                                              • غير معرف25 سبتمبر, 2010

                                                                السلام عليكم ورحمة الله وبركاتة اولا تحياتى للبلوج المحترم واداراتة الواعية ثانيا تحياتى لكم جميعا اخوانى الكل شباب ورجال هنا فى العرب يهتم كثيرا بفكرة الاختراق ويريد تعلم الاختراق او بالمعنى الاكثر شهرة Hacker ويظنون انه شىء بعيد المنال وان الاشخاص اللذين يسمون بالهاكر انهم اشخاص من عالم اخر ولا يعلمون ان الهكر مثل اى شىء سهل تعلمه فا انا اعرف شص تعلمه فى غضوا اسبوعين وصديق اخر تعلم فى خضوا شهر ولكن التعلم هوا ليس معرفة كل شىء فا الهكر مجال واسع يوجد به الجديد يوميا وعلى الهكر ان يطور من نفسه مع تطور شركات الحماية والانظمة حتى يقدر على اختراق النظام هذا فا نصيحتى الاولى والاخيرة لكل الشباب الابتاعد عن تلك هذة الفكرة لانة لا يوجد هكر اخلاقى 100% ولكم حرية الاختيار اخوانى فى الله وسلام الله عليكم ورحمتة وبركاتة

                                                                حذف التعليق
                                                                • غير معرف30 أكتوبر, 2010

                                                                  ahmed_ge18@yahoo.com

                                                                  مبتدىء هكر ..... بتعلم بالتجريب على المواقع اليهوديه والاباحيه وفقط ..


                                                                  ممكن لو حد قوى فى الهاكر اكمل منه النقط اللى ناقصانى فى هذا المجال ..

                                                                  حذف التعليق
                                                                  • غير معرف24 نوفمبر, 2010

                                                                    تريد أن تتعلم الهكر عليك ببرنامج ساب سفن
                                                                    فهو سهل في اختراق المواقع

                                                                    حذف التعليق
                                                                    • غير معرف09 ديسمبر, 2010

                                                                      اولا انا شكك فى الموضوع دا اصلا لان جريدة الشروق شغالة ولم تقف يوم واحد
                                                                      ثانيا مفيش هاكر ابيض واسود كلة اسود

                                                                      حذف التعليق
                                                                      • غير معرف20 ديسمبر, 2010

                                                                        Dr.SiLnT HilL
                                                                        اول شئ هقولك ربنا يوفقك يا ابن بلدي وديما رافع راسنا ,, اما الناس الي بتتكلم عن الهكر بشكل غير اخلاقي
                                                                        فاحب اوصلهم رساله ,, ان مجال اختراق المواقع والسيرفرات هوا اصعب مجال ممكن الوصول اليه في جميع مجالات الهكر وان هذا المجال لا يقبل الاغبياء ولاكنه يتيح الفرص لكل شخص ذكي ليثبت تطور ذكائه عبر مراحل هذا المجال
                                                                        مجال اختراق المواقع والسيرفرات فيه كل يوم تطورات جديده
                                                                        وانا معترف بهذهي الكلمه واتاخذتها من اسسي ( خلقت الحمايه للاختراق ) فلماذ لا استكمل هذا العلم التكنولوجي الذكي .. لقد استكملته بالفعل وقائم دائما على الرد على كل الاجانب .. وانني لست من اصحاب اي قبعه مثل ما زكر الاخ ,, ذات القبعات
                                                                        ولكنني من قبعه خاصه تغير على دينها وفكرها ومسيرتها
                                                                        ووطنها وعشقها لشئ يسمي الهكر ,, ( لقد اخترقت مواقع كثيره جدا وسيرفرات كثيره ,, محصل اختراقاتي الي الان ( 64,000 ) اربعه وستين الف موقع تم اختراقهم
                                                                        لماذا ؟ لغيرتي على ديني ووطني وعقلي وذكائي ؟
                                                                        هل هم من محترفون بالاختراق والتدمير ؟
                                                                        ونخنو نزمهم دائم لان كما زكر الاخ ,, احنا مهد الحضارات وبنقدر نفكر لبعيد اوي بس الي بيمنعنا ديما الايمكانيات ,,
                                                                        وعايز اقول رساله لهذا الهكر ,, استمر بمسرتك وربنا يوفقك يا ابن بلدي .. !!
                                                                        سلام !!

                                                                        حذف التعليق
                                                                        • غير معرف23 ديسمبر, 2010

                                                                          انا قريت المقال و عجبني بس حاسس أنه بيبالغ اوي اوي اوي اوي اوي
                                                                          و خصوصا في الحته بتاعت كيفن ميتنك

                                                                          و انا معاه إن مفيش نظام امني متكامل

                                                                          حذف التعليق
                                                                          • Unknown photo
                                                                            Unknown11 يناير, 2011

                                                                            فعلالالالالالالالاً موضوع رائع جدا جدا جدا

                                                                            الف شكر ليك خفاااااااجى .... ^^

                                                                            بجد هاكر محترم جداً وله منى كل الاحترام والتقدير

                                                                            ومن الممتاز والمشرف ان فى مصر نماذج مشرفة ومحترمة

                                                                            فى مجال امن المعلومات ..

                                                                            وكمان ما شاء الله قدراته كبيرة لدرجة انه موقع اسطورة الهاكر العالمى ؟؟!


                                                                            شكرااااااااااااا على الموضوع خفااااااااجى

                                                                            ربنا يخليك لينا يا كبير وديماً تجيب لنا مواضيع مميزة

                                                                            كما اعتدنا منك دائماً .....

                                                                            حذف التعليق
                                                                            • مغربي13 فبراير, 2011

                                                                              المرجوا من السادة عدم كتابة البريد الإلكتروني الخاص بهم
                                                                              فقط للوقاية

                                                                              حذف التعليق
                                                                              • غير معرف02 أبريل, 2011

                                                                                بسم الله الرحمن الرحيم

                                                                                اخوانى اى هكر سيقراء هذا الموضوع سيعر ان فى مبالغة وشئ من عدم الصحة ساقول لكم معلومة الشركات الكبرى للسيكيورتى وغيرها لديها نظام واسع جدا من الحماية يسمى التجديد وهذه المواقع لا انكر انه قد يسهل للبيع المحترفين الاذكياء اختراقها بسهولة لكنه لا يستطيع ان يبقى الموقع مخترقا لاكثر من 5 دقائق بالنسبة لهذه الشركات حين انه يوجد اكثر من 50 شخص لهذه الشركات عباقرة فى الحواسيب يجددون النظام بشكل دورى لمدة معينة لا تتعدى الساعتان وفى حالة حدوث اختراق للموقع يتم استخدام النظام الافتراضى ويتم استرجاع النظام الرئيسى فى خلال 5 دقائق فقط وبالنسبة للشركات الحكومية المتعلقة بوزارة الدفاع والحكومة والخارجية وشركات الهواتف وغيرها لم يستطع احد اختراقها حتى الان غير كيفين ميتنيك واثنان من اصدقائه وقد استغرق كيفين ميتينك ليكون اسطورة فى عالم الاختراق اكثر من 10 سنوات فى تعلم الاختراق اما الان فان جميع المخترقين يخترقون المواقع الصغيرة ذات الحماية الضعيفة والغير مهمة وموقع الشروق الجزائرى لم يتم تهكيره ابدا مع انى مصرى الا انى ارفض تماما ان اتفاخر بشئ ليس صحيحا ابدا وبالمناسبة يا عبقرينو موقع الريان نت للبرامج فى ثغرة كبيرة ويمكن اختراقه بسهولة حاول اختراقه ان استطعت وسوف اعطيك 10 الاف جنيه مصرى وفى المرة القادمة لا تدعى شيئا لم يكن واتقى الله واحد اصدقائى هو مستر بلاك وهو هكر لالعاب الاون لاين لم يتم حظر حسابه فى اى لعبة حتى الان سواء سيرفر اجنبى او عربى وهذا اسهل نوع من الهكر وهو هكر الالعاب اون لاين ( العميل ) ونصيحة لكل من يريد تعلم الهكر ابدا بتعلم لغات البرمجة وصمم برامج بنفسك اولا ان استطعت ذلك حينها هنيشئا لك تكون قد تخرجت من المرحلة السهلة لتنتقل لعالم المغامرة

                                                                                حذف التعليق
                                                                                • غير معرف04 أبريل, 2011

                                                                                  طب يا خفاجى انا عايز بس حد يعلمنى الاساسيات او اعرف موقع كويس ويكون فعلا بيشرح الهاكينج الصح عشان فى مواقع كتير بتكون وهمية وانت اكيد عارف كدة حاول تفدنى

                                                                                  اسماعيل

                                                                                  حذف التعليق
                                                                                  • نبيل photo
                                                                                    نبيل12 أبريل, 2011

                                                                                    اأشهد ان لا الاه الا الله و ان محمد عبده و رسوله هدا ما استطعت ان اضعه في دري هدل

                                                                                    شكرا لك للموضوع و اضيف للشعر بيتا

                                                                                    انا نبيل من المغرب احي جميع الدول الاشقة
                                                                                    + طالبا من الاخوة زيارة منتداي و التعليل حوله شكرا
                                                                                    www.iphone4arab.info

                                                                                    حذف التعليق
                                                                                    • مولود بلا زمن13 أبريل, 2011

                                                                                      هكر متواضع يمتلك كبرياء وليس تكبر...ولكن الحوار ينقصه سؤال عن كيف بدأ هذا الهكر طريقه وكيف تعلمى الاختراق؟ هل تعلم ذاتي أم كيف؟


                                                                                      بارك الله فيك

                                                                                      حذف التعليق
                                                                                      • غير معرف23 أبريل, 2011

                                                                                        انا بجد قلبي انشرح من ابن بلدي الجامد ده بس مع احترامي له فيه واحد كان عامل هاكر علي بنوك في امريكا من مصر ايضا والحكومه المصريه قبضت عليه للاسف ومحدش عارف طريقو فين للان

                                                                                        حذف التعليق
                                                                                        • غير معرف25 يونيو, 2011

                                                                                          انا عيز اخد كورشات عندك وكي

                                                                                          حذف التعليق
                                                                                          • غير معرف27 يونيو, 2011

                                                                                            والله موضوع جميل و رائع و لكن فيه مبالغة مثلما ذكر احد الاشخاص بأنه لا يتم اختراق موقع سيكورتي لاكثر من خمس دقايق لانه يتم استرجاع النظام فالنظام الموجود على السيرفر الرئيسي يتم عمل له نسخة كل ساعتين و حفظها بجهاز اخرى يفصل عن الانترنت عند انتهاء عمل النسخة و احب ان انبه بان لاحد يمكنه ان يخترق كبار المواقع الا ان كان يدرس الهكر على اقلها 10 سنين بالاخص بهل الوقت لانه كثرة الدروس التي تبنا على وهم و على شيئ لا أساس له من الصحة و تعلم الهكر ليس بصعب ولكنه ليس بسهل ايضاً فا تعلم الهكر يعتمد من شخص لأخر حسب ذكائه حسب استيعابه و اهم شئ صبره فهناك الكثير و الكثير من التفرعات في عالم الهكر مثل اختلاف الأنظم التي يشتغل عليها كل هكر و لغات البرمجة التى يعرفها الهكر فا هنا نستطيع تقيمم الهكر حسب نظامه و قوته و اللغة التى يعرفها فا هكر اللينوكس غير هكر الوندوز لان اللينوكس يعطي المستخدم التحكم التام ام الوندوز لا يعطي هذا التحمك الشامل مستخدم لينوكس ريد هات غير مستخدم لينوكس الباك تراك ارجو ان اكون افدكم و اسف على الاطالة

                                                                                            حذف التعليق
                                                                                            • غير معرف15 يوليو, 2011

                                                                                              السلام عليكم
                                                                                              اولا ربنا يكرمك
                                                                                              ثانيا فى صفحة على الفيس بتشتم فى المسلمين والاسلام وسيدنا محمد واستغفر الله بتعيب فى ربنا والملائكة
                                                                                              ممكن تعمل حاجة تقفلها

                                                                                              حذف التعليق
                                                                                              • Sentence - جـومـلـة photo
                                                                                                Sentence - جـومـلـة09 نوفمبر, 2011

                                                                                                هاكر محترم.......

                                                                                                حذف التعليق
                                                                                                • غير معرف29 ديسمبر, 2011

                                                                                                  هكر اخلاقى بمعنى الكلمه
                                                                                                  ولاداعى للسخريه فألاختراق اسهل الطرق لتوصيل صوتك م اى مكان وانت ع كرسيك ف منزلك

                                                                                                  تعليم الهكر سهل جدا جدا بالرغم م وجود بعض الصعوبات ف البدايه
                                                                                                  ولكن الاهم هو تحديد الهدف م تعلمه

                                                                                                  وصفه سهله
                                                                                                  (توكل ع الله & صبر وعزيمه & إصرار & وجلسه يوميه مع جوجل & تعلم ما يكفى م اللغه الانجليزيه) = هكر مبتدأ :D
                                                                                                  RED HAT hacker.........

                                                                                                  حذف التعليق
                                                                                                  • غير معرف04 فبراير, 2012

                                                                                                    ايوووووووة نفسى ابأى هكر معروف حول العالم

                                                                                                    حذف التعليق
                                                                                                    • غير معرف25 أبريل, 2012

                                                                                                      ياحبيبي الموضوع اعجبني لكن كان من الاولي اختراق المواقع اليهودية والمواقع الاباحية

                                                                                                      حذف التعليق
                                                                                                      • غير معرف25 يوليو, 2012

                                                                                                        موضوع رائع ولي تعليق بسيط عن الاخوه اللي بيهجموا اقولهم الرسول الكريم صلي الله عليه وسلم قال.من تعلم لغه قوم امن مكرهم,
                                                                                                        دا اولا ثانيا بابكي عنجد لما اسمع ان دول ذي السعوديه والامارات وكتير غيرهم بيدفعوا فلوس عشان يحجبوا المواقع الاباحيه لانهم لو فكروا لمجرد لحظه هيلاقوا ان الكلام هاد غير صحيح ومش هاد الحل لان في الاساس ان الشركات اللي بتحجب هي نفسها الشركات اللي بتبرمج برامج لفتح المواقع دي وبكدا هما بيخدوا فلوس مرتين او بينصبوا علينا بمعني اصح اختم كلامي بجمله للي بيهاجم اقوله بلاش تبص تحت رجليك عشان مش تنكفي

                                                                                                        حذف التعليق
                                                                                                        • غير معرف13 ديسمبر, 2012

                                                                                                          اى حد بده يتعلم الهكر بانواعه
                                                                                                          1- اختراق مواقع
                                                                                                          2- اختراق أجهزه وانظمه
                                                                                                          3- اختراق بريد الكترونى
                                                                                                          4- اختراق شبكات محليه ودوليه
                                                                                                          يكلمنى على الايميل دا
                                                                                                          CairoOwner@yahoo.com

                                                                                                          حذف التعليق
                                                                                                          • Unknown photo
                                                                                                            Unknown04 فبراير, 2013

                                                                                                            انا مصري غيور علي ديني اريد تعلم الهكر في مصر مش مشكله الفلوس

                                                                                                            حذف التعليق
                                                                                                            • Unknown photo
                                                                                                              Unknown04 فبراير, 2013

                                                                                                              اريد التعلم

                                                                                                              حذف التعليق
                                                                                                              • غير معرف07 أبريل, 2013

                                                                                                                اعجبنى

                                                                                                                حذف التعليق
                                                                                                                • غير معرف01 ديسمبر, 2013

                                                                                                                  موضوع جميل ربنا يوفقك للخير
                                                                                                                  انا فى موقع عالمى مشهور نصب علية فى اكتر من 10000 دولار لو فى هاكر محترف محترف يقدر يساعدنى انى ارد حقى و اشرحلة التفاصيل انا عندى استعداد ادفع فلوس علشان ارجع حقى من الموقع النصاب اللى غشنى و مش انا لواحدى كتير من العرب و الشرق الاوسط
                                                                                                                  ارجو المراسلة romanticmann1@yahoo.com

                                                                                                                  حذف التعليق
                                                                                                                  • غير معرف26 يونيو, 2014

                                                                                                                    يا ناس انا متعل لغات برمجه كثير (html>css>php>java)
                                                                                                                    وا يريت تسعدوني علي تعلم الهكر الاخطراق رسلوني انا علي طول علي سكيبي اسميshkre200 بالله عليكم تضموني صديق مع اسكيب علي شكري اسمي في سكيب
                                                                                                                    وا الر shkre200

                                                                                                                    حذف التعليق
                                                                                                                    • غير معرف05 أكتوبر, 2016

                                                                                                                      انا اصغر هكار مصري

                                                                                                                      حذف التعليق
                                                                                                                      • Unknown photo
                                                                                                                        Unknown26 يناير, 2017

                                                                                                                        طبعا موضوع شيق من شخص محترم يحب بلده

                                                                                                                        حذف التعليق
                                                                                                                        • غير معرف19 أبريل, 2017

                                                                                                                          I Hope Caming With Me
                                                                                                                          I See YOU

                                                                                                                          حذف التعليق
                                                                                                                          • غير معروف photo
                                                                                                                            غير معروف06 مايو, 2017

                                                                                                                            كلام جميل جدا هاك محترم جدا وربنا معاك ويعينك ونشاء الله هتبقا مهندس برمجه وتحقق احلامك

                                                                                                                            حذف التعليق
                                                                                                                            • غير معرف15 يوليو, 2017

                                                                                                                              انا عايزة اتعلم الهكر او حط يسعادنى ارد حقى من شخص سرق حسابى الشخصى وعمل مشاكل عليه وانا اعرف اميله ارجو الرد

                                                                                                                              حذف التعليق
                                                                                                                              • Unknown photo
                                                                                                                                Unknown28 أكتوبر, 2018

                                                                                                                                انا بعمل تقرير لمشروع تخرجي في كلية الاعلام جامعة القاهره عن الهاكينج و لازمنا حد هاكر محترف يتكلم مع ضمان السرية التامه وعدم ظهور وجه اطلاقا فلو حد يقدر يساعدني ارجو مراسلتي ضروووووري radwaahmed305@gmail.com

                                                                                                                                حذف التعليق
                                                                                                                                google-playkhamsatmostaqltradent