random
أخبار ساخنة

مشروع الإنترنت كافيه بيكسب دهب .. اليك التفاصيل

.
هذا الموضوع له علاقة بقسم : معلومات فى الإنترنت ، ثقافة لذيذة




انتقل معظم شباب الخريجين والدارسين أيضاً من مستهلكى الإنترنت إلى منتجى الإنترنت أصبح مشروع " Internet Caffee الإنترنت كافيه " من أكثر المشاريع انتشاراً بين الفئة الشبابية والخريجين للقضاء على مشكلة البطالة وعدم وجود فرص عمل متاحة لهم ، ولكنه دوماً ما يؤول إلي النجاح فهو ليس مشروعاً مكلفاً بالدرجة التى يصل إليها كثير من المشاريع الصغيرة .


الحد الأدنى لمشروع Internet Caffee هو 6 أجهزة بتكلفة حوالى 4800 جنيه بمتوسط الجهاز الواحد 800 جنيه بحيث يزامن الجهاز السرعة المطلوبة لبعض الاستخدامات إلتى تحتاج إلى جهاز سريع نسبياً وخط نت من إحدى شركات الإنترنت بحد متوسطد 150 جنيها ولتكن سرعة 512 كيلوبايت بالإضافة إلى شراء طابعة printer بتكلفة حوالى 300 جنيه لطباعة الصفحات الملونة و Router لاستقبال خط النت بحوالى 100 جنيهاً و switch لتوزيع خط النت على الأجهزة بتكلفة حوالى 150 جنيهاً .




وبإجمالى تكلفة المشروع نجد أنه يتكلف حوالى 5500 جنيهاً تقريباً كحد متوسط ليس متدنياً ولا عالياً بالدرجة المبالغ فيها وهذا المبلغ ليس مضلعاً بالنسبة لمشروع فى مراحله الأولى وفى بداياته ولكنه مربح وسوف يغطى تكاليفه فى مدة زمنية قصيرة ، ساعة الإنترنت تصل فى بعض الأماكن الشعبية إلى حوالى " جنيه ونصف " مصرى .


وبمتوسط 8 ساعات للجهاز الواحد يدخل حوالى 12 جنيهاً ويدخل متوسط 6 أجهزة يومياً 72 جنيهاً قابلة للزيادة بمعدل 2160 جنيهاً شهرياً دخل لساعات النت واستخدام الأجهزة فقط بالإضافة إلى طباعة بعض الصفحات الملونة وهذا يشكل دخلاً مربحاً لمشروع فى بداياته ويمثل هذه التكلفة التى ذكرناها من قبل .




فمشروع لا تزيد تكلفته علي 6 آلاف جنيه ويجنى صاحبه دخلآ لا يقل عن 200 جنيه شهرياً بمعدل ثلث رأس المال الأصلى وبمجهود بسيط يزيد ذهنياً عنه بدنياً ويعتبر مشروعاً مربحاً من الدرجة الأولى وهذا ليس حسداً لا قدر الله لأصحاب مثل هذه المشاريع " ربنا يزيدهم " فنحن فى زمن الغلاء ولكنه أكثر منه دعوة إلى كثير من الشباب الذين ينتظرون نصف فرصة عمل لدخول مثل هذا المجال الذى لا يحتاج سوى دراية بسيطة منك بكيفية التعامل مع الكمبيوتر واللى يشغل دماغه ياكل الشهد .


مربح وله مواسم كثيرة يزيد فيها الدخل والربح وتبدأ هذه المواسم بظهور نتيجة الثانوية العامة والحد الأدنى لنتيجة الثانوية العامة هو خمسة جنيهات جنيه وتجد المئات من الطلبة والطالبات الذى ينتظرون النتيجة وعلى قلبهم زى العسل .

مشروع الإنترنت كافيه بيكسب دهب .. اليك التفاصيل
علام الخفاجي

تعليقات

49 تعليقًا
إرسال تعليق
  • غير معرف23 سبتمبر, 2009

    يبدو أنك نسيت أجرة المكان

    حذف التعليق
    • patouti24 سبتمبر, 2009

      والكهرباء والضرائب

      حذف التعليق
      • غير معرف28 سبتمبر, 2009

        السلام عليكم، شرحك اليسير للمشروع طيب وإن كان ينقصه حساب تكاليف الكراسى و حاملات الأجهزة، وديكور المكان، و"اليافطة" وأجرة المكان والكهرباء والضرائب كما ذكر أخونا.
        لكن لى سؤال أرجو أن يفيدنى أحدكم فيه:

        """ ما هى أخبار شرطة المصنفات؟""" ما هى مشاكلها وكيف يمكن التغلب عليها؟
        أرجو الجواب عن خبرة.

        حذف التعليق
        • علام الخفاجي photo
          علام الخفاجي28 سبتمبر, 2009

          بخصوص شرطة المصنفات .. تروح لواحد صاحب سايبر يكون قديم شوية وتاخد خبرته ... فمثلا يجب ان يكون عندك نسخة وندوز اصلية ( سعرهها غالى طبعا ) ... وما يكونش عنك برامج منسوخة وافلام وكده عشان حقوق الملكية الفكرية و ...و.... واستفم وخد خبرته ؟؟؟

          حذف التعليق
          • غير معرف06 أكتوبر, 2009

            السلام عليكم
            بس ما ينفع سرعة 512 كيلوبايت لععد 12 كمبيوتر مثلا
            لو نقسم السرعة راح تطلع 8/512=64 ((سرعة زبالة))
            بعدين احسب سعر برامج التحكم بالشبكة وتكلفة المكيف
            وكل كم شهر لازم تعلم فورمات الخ
            من الاخر يعني دوخة راس

            حذف التعليق
            • غير معرف10 أكتوبر, 2009

              المشروع جدا مربح .. لكن الاخ الفاضل نسي بعض اهم التفاصيل اللي ورد ذكرها من الاخوان السابقين
              واتمنى من الاخ اعاده الحساب من جديد وبعض مشاريع الانترنت كافيه تحاتج للعمل 24 ساعه في اليوم مما يعني وجود شخص اخر ويحتاج لراتب .. انا لا اصعب الفكره لكن يفترض وجود دراسه جدوى للمشروع .. وتناسب الدخل مع المصروف وحساب الربح والصرف .. لتتمكن من القول انه مشروع مربح .. نعيد الحساب في بعض الامور .. نبدا في المهم وهو ايجار المحل وعاده ما يكون ست شهور الي سنه وبعدها مصاريف الكهربا والاجهزه انت لاتعلم جيدا عن اعطال الكمبيوتر .. ولا تعلم الاشخاص الذين يستخدمون الكمبيوتر وجهلهم في بعض اموره
              هناك فيروسات قد تسبب تلف كامل للجهاز .. وبهذا نقص لديك عامود من عواميد الدخل لديك

              تحياتي

              حذف التعليق
              • اربح من الانترنت23 أكتوبر, 2009

                بحكم تجربتي في مقهى للانترنت ( بالمغرب) اقول،ان هذا المشروع مربح لكن بشروط:
                *ان لا تنزل سرعة خط الانترنت عن 2 ميغابايت فالمتصفح يطلب دوما السرعة في استقبال المعطيات، كما انه توجد بعض المواقع التي تحتاج لفتحها الى سرعة كبيرة.
                *كلما زاد عدد الاجهزة زاد الربح ( كنت اربح 20 دولارا من 10 اجهزة يوميا)
                *وجود طابعة بالابيض والاسود، وطابعة الوان ضروري، خصوصا لو كان المحل بجوار مدرسة، جامعة، معهد ....
                *وجود كاميرا و مايكروفون وسماعة ضروري (لمحبي التشات)
                * يستحب اظافة نشاط اخر بجوار الانترنت، والامثل تقديم خدمات الهاتف و التعبئة ...
                *اهم عامل مؤثر في العملية ( بالسلب او الايجاب)هو مبلغ الكراء....
                بالتوفيق للجميع

                حذف التعليق
                • غير معرف10 فبراير, 2010

                  لو السايبر ده 15 جهاز يعمل 24 ساعه كل جهاز فى الساعه جنيه ونص وهانريح كل جهاز 4 ساعات فى اليوم يبقى اجمالى عمل الجهاز الواحد 20 ساعه فى جنيه ونص يساوى 30 جنيه فى 15 جهاز يساوى 450 جنيه فى الشهر يساوى13500 جنيه

                  حذف التعليق
                  • غير معرف13 فبراير, 2010

                    بصراحةانا شايف ان المشروع ده مربح لو تم دراسته جيدا بس الدخول فيه عشوائيا النتيجة الطبيعية ان صاحب الموضوع بيقفله بسرعة لانه بيخسر

                    حذف التعليق
                    • أبوعبدالرحمن28 أبريل, 2010

                      بارك الله في عقول شبابنا المسلم ولكن اريد ان اقدم نصيحه لكل شاب يقبل علي هذا المشروع:
                      1- ألا يلهي عن الصلاة
                      2- ان تختار مكان جلوسك بحيث تري جميع الاجهزة
                      حتي لا تستخدم في معصية الله عز وجل ويكون رزقك حلال
                      بإذن الله تعالي

                      حذف التعليق
                      • احمد سعدابوالوفا photo

                        ما هو حضرتك في برامج تخليك تراقب الاجهزة عن بعد

                        وفعلا عندك حق يجب الا تلهينا عن الصلاة

                        والله انا بفكر في المشروع وبقيت متفائل جدا ومتحمس للمشروع لما قريت الموضوع بتاع صاحبنا الكريم

                        لما دخلت الردود التفائل اخفق اخفق اخفق
                        وخاف من حاجات كتيروبقي يقلق
                        بالرغم من انه كلام كويس ومفيد مفيد جدا

                        مصنفات واجرة المحل و سرعة الانترنت وعدد الاجهزة وحاجات المحل من ترابزات كمبيوتر وكراسي

                        بس في الاخر لازم تستريح وهتخلص من ده كله
                        وان نشاء الله ربنا يسهلنا جميعا ويوفقنا الي ما فيه الخير والرشاد والنجاح

                        وسلاااااااااام

                        حذف التعليق
                        • غير معرف04 أغسطس, 2010

                          هو الموضوع مربح يا جماعه والله انا كان عندى سايبر وكان فيه 4 اجهزه بس بس المشكله ان الاداره بتاعتى كانت بايظه ازاى اقولك يعنى الشغل شغل واللى ميحبليش المصلحه بلاش منه خالص يعنى مفيش صحوبيه ويبقى كل اللى بينك وبين الزباين انك انت المدير وهما الزباين يعنى متكونش صداقات مع حد لانه فى الاخر هيفكر ان ده عشم فيك ويحاول يقعد ببلاش وانت طبعا لو عندك دم مش هاترضى تحرجه زى ما حصل معايا بالظبط واضريت اقفل المشروع بعد سنتين شغل وعلى فكره اللى اتكسر مينفعش يتصلح قولى ازلى اقولك يعنى صاحبك اللى قعد مرتين او اكتر على الجهاز من غير ما يحاسب مينفعش انك تيجى تقوله ادفع يبقى انت كده بتخسره وتزعلو من بعض علشان انت السبب من الاول يعنى يا جماعه ده اكل عيش ومفيش فيه صحوبيه لان اكتر المشاريع اللى بتخسر الصحاب من بعض هو المشروع ده الا اذا انت بقى خدت بالك من الاول وبقيت مدير شاطر والشغل شغل انا حبيت افيدكو بس لانى اتقرصت وبسبب كده قفلت المشروع واصحابى اللى كنت بخاف على زعلهم دلوقتى معنتش بشوف وش حد فيهم خليك قد المسوليه

                          حذف التعليق
                          • غير معرف13 سبتمبر, 2016

                            ازاى انت نسيبت برنامج هاندى كافى الى بيتحكم فى الوقت الجهاز هيقفل مش هيعرف يقعد مش رخامه هى

                            حذف التعليق
                          • غير معرف17 سبتمبر, 2011

                            مرحباانا عندي وجهة نظر ثانية اول شي المشروع الناجح هو المشروع الذي تكون تكاليفه قليلة ومرابيحه كثيرة لا تنسى الكهرباء الشغالة 24 ساعة هاي راح نص المربوح وراتب الموظف الي اكيد اكيد راح يلطش كل يوم دينارين و غير صيانة الكمبيوتارات و غير اجار الموقع الخ الخ انا فتاة تونسية فتحت مشروع قهوة شعبية في منطقة قريبة من العاصمة كلفني كالاتي
                            *اجار محلين جني بعض سنوي7200د
                            *ماكنة قهوة مستعملة2000د
                            كراسي و طاولات مستعملة1500د
                            معدات مطبخواراغيل*شيشة*400د
                            دهان وتزبيط 200د
                            شاشة تلفاز بلازما600د
                            شكر وشاي وقهوة وبنو مواد اخى300د
                            راتب شغيل واحد بداية330د
                            يوم الافتتاح فتح المقهى الساعة 6 صباحا على الساعة 2 باليل كنت بايعة 207 انواع قهوةو56 كاسة شاي15 ارغيلةو7 ادوار كوتشينة غير العصائر وابيبسي والكولا
                            كا سعر ارخص نوع قهوة 350 مليمو اغلى واحد500مليم سعر الارغيلة3500مليم دور الكوتشينة ب1200مليم
                            والله الدفتر قدامي مكتوب فيهالمصاريف والمربوح من اول ما اشتغلت انو اول شهر كان ربحي صافي مع دفع المصاريف
                            3891دينار تونسي والاشهر الي بعدها زادووصل شهر 06 الى 4321د لانو الزباين تعودوا على جو القهوة المعاملة جيدة و لا مجال لتهميش اي واحد يدخل و في اوقات المباريات تهيييء الجو الملائم للاثارة من خلال كبر التلفاز و جودة الصوت و الخدمات
                            ملاحظة انا بنت وواجهت عدة صعوبات في اقناع اهلي بالمشروع مع العلم لست انا من يديره بل اخواتي انا اعيش في بريطانياو مردود المقهى يوصل امي الي بتخبيه وانا الحمد لله سديت راس المال وقاعدة اربح وافكر افتح واحد ثاني مع العلم انه لا يكلف ديكورات مثل المقهى الختلط*شباب وبنات* هذه قصتي و الان افاجاكم بعمري 22 سنة و صارلي 2 ببريطانيا ولما فتحت المقهى انا حسنت وضع عائلتي كثثير
                            اسفة على لغة العربية المتعثرة اشكركم اتوكلوا على الله الله الي خلق ما بيضيع
                            اختكم المغتربة

                            حذف التعليق
                          • غير معرف22 مارس, 2012

                            جميل جدا شكرا استفدت كثير

                            حذف التعليق
                            • صلاح هديب photo
                              صلاح هديب15 مايو, 2012

                              هذا الكلام صحيح ولكن لابد من تعيين شخص في اول الطريق يكون ذو خبرة حتى لا يفشل المشروع والدليل علي ذلك ادخل علي اليوتيوب وأكتب صلاح هديب ستجد لقاء لي في قناة الخليجية اشرح فيها المشروع ومن الممكن ان تجد اللقاء كامل علي موقع قناة الخليجية في برنامج حقق حلمك الذي كان يدعو الشباب لعمل هذا المشروع كحل للبطالة

                              حذف التعليق
                              • Unknown photo
                                Unknown06 أغسطس, 2012

                                بصراحة مشروع ممتاز جدآ بس لازم يتوفر فيه حبة شروط
                                1 - أول حاجة لازم يكون في متابعة عالية جدآ للموضوع في بداية العمل
                                2 - لازم أقدم خدمات تانية جنب النت كافيه زي نسخ سيديهات برامج وأفلام وماتيريال خاصة لطلبة الجامعات
                                3 - موضوع الطباعة هام جدآ جدآ وكتير ما الناس بتحتاج ليه
                                4 - ممكن كمان أقدم فيه مشرووبات
                                5 - الجزء الخاص بعمل الصيانة في السيبر أو تنزيل الويندوز للكمبيوتر
                                6 - بالإضافة إلي النتايج الخاصة بالطلبة
                                7 - التركيز علي تخفيض أسعار الخدمة المقدمة وذلك سوف يكون له أثر في جذب العميل
                                8 - وأخيرآ لا يبارك الله في عمل يلهيعن الصلاة

                                حذف التعليق
                                • غير معرف31 مارس, 2013

                                  كل شاة تعلق من رجلها, وانا لست السبب, هدا القسم والرزق, يعني ادا ادن الادان وهرعوا جميعا الى الصلاة انا ايضا اغلق المحل وروح معاهم,

                                  حذف التعليق
                                • غير معرف13 أغسطس, 2012

                                  انا انشاء الله هعمل المشروع ده اللى هو السيبر ومن وجهة نظرى انى لازم يكون معاى 10 الاف جنيه وطبعا مش لوحدى ده لازم يكون معاى شريك بحيث انا اكون 12 ساعة وهو 12 ساعة والمحل هيكون سيبر وبلاستيشن وبيع مستلزمات الكمبيوتر وصيانة وطباعة مستندات فا كنت طالب طلب ان يحسب لى حد هل سيكفى 10 الاف على 10 اجهزة و 4 اجهزة بلاستيشن وصالة بلياردو و بينج والديكور وايجار المحل والضرائب والكهرباء
                                  ارجو الرد (يارب وفقنى فى هذا المشروع )

                                  حذف التعليق
                                  • موضوع ممتاز جداً

                                    أشكرك :)

                                    حذف التعليق
                                    • غير معرف01 أبريل, 2013

                                      والله انا بصراحه نفسى اعملو المشروع بس الاقى شريك مؤمتمن

                                      حذف التعليق
                                      • غير معرف18 مايو, 2015

                                        لو في اسوان المكان موجود وبالاوراق اللي تطلبها المشروع في دماغي

                                        حذف التعليق
                                        • كل حاجة photo
                                          كل حاجة28 مارس, 2016

                                          طاب انا بفكر اعمل المشروع فى اسوان بس مش لاقى مكان كويس والتكلفة موجودة

                                          حذف التعليق
                                          • كل حاجة photo
                                            كل حاجة28 مارس, 2016

                                            انا فى اسوان وبدور على مكان لاقامة المشروع دا والتكلفة موجودة

                                            حذف التعليق
                                            • غير معرف21 مارس, 2017

                                              لو عايز تعمل المشروع ده فى القاهرة أنا عندى مكان والخبرة الكافية للادارة وانا اصلا من دراو

                                              حذف التعليق
                                            • غير معرف25 يناير, 2014

                                              موضوع جميل ومفيد ومربح وباذن الله اقل من شهرين اكون عامله باذن واحد احد وشكرا جزيلا

                                              حذف التعليق
                                              • Sayed Elroby photo
                                                Sayed Elroby21 فبراير, 2014

                                                انا عملت المشروع ده بس تكاليف المشروع وال 6 اجهزه كلفونى ما يزيد عن 12 الف مش 5500 زى ما انت قولت

                                                حذف التعليق
                                                • غير معرف08 مارس, 2014

                                                  المشروع هيتكلف 10000 جنيه بالتجهيزات والديكور حضرتك اتكلمت بس عن الاجهزه ونسيت المكان والتجهيزات الداخليه لو حسبنا زى ما حضرتك بتقول 6 اجهزه فى 12 فى 30= 2160 جنيه طلع منهم الايجار وده فى المتوسط 300 +150 اشترك النت+100كهربا+قطع غيار او اكسسوارت لالااجهزه 200جنيه=750 جنيه مصاروفات شهريه قابله للزياده تانى شىء السيبر لازم يفتح على الاقل 18 ساعه ومحتاج عامل فيه بمراتب يعنى هنقول 600 رلااتب +750 مصروفات =1350 جنيه ---2160 الصافى هيكون 710 جنيه

                                                  حذف التعليق
                                                  • غير معرف18 مارس, 2014

                                                    بسم الله الرحمن الرحيم
                                                    انا عايز افتح المشروع بتاع السيبر بس عايز اعرف ما معنا المصنفات بتعمل ايه وشكرا ويارب يوفقق كل شباب المسلمين اجمعين يااارب

                                                    حذف التعليق
                                                    • غير معرف25 مارس, 2014

                                                      انا عاوز افتح سيبر نت وعاوز شريك ارجو الاتصال بى وشكرا 01112740895

                                                      حذف التعليق
                                                      • محمد رضوان27 أبريل, 2014

                                                        مشروع جميل و كلامكم مشجع جداً .. شكرا لصاحب الموضوع و كل من تفضل بكتابة تعليق ...

                                                        حذف التعليق
                                                        • youssef kamel23 مايو, 2014

                                                          بجد المشروع مربح جدا بس اهم حاجة تعملها قبل ما تبدأ فى فتح المحل أنك تعمل دراسة جدوى واقعية يعنى تحسب تكاليف ثمن اجهزة الكمبيوتر اللى تناسب مساحة المحل دا غير الطابعة والديكور والكهرباء والترابيزات والكراسى وتوصيل النت وايجار المحل وكمان ممكن تجيب ماكينة تصوير اوراق للطلبة دى ممكن تزود الربح اكثر على العموم لازم تعمل حساب كل كبيرة وصغيرة فى المحل المشروع تكلفته صغيرة ومربح جدا

                                                          حذف التعليق
                                                          • غير معرف30 أكتوبر, 2014

                                                            ياعم
                                                            شروع دة انا فتحة هو كويس بس بالنسبة لى ربطة سودة لانى فى بلد ارياف عملى من الساعة الم9الى الساعة2

                                                            حذف التعليق
                                                            • غير معرف12 نوفمبر, 2014

                                                              هو بجد مشروع حلو بس لو التكاليف باهظه لبد يكون العمل بحرص شديد

                                                              حذف التعليق
                                                              • غير معرف05 أبريل, 2015

                                                                انا فاتح المشروع دة فى بنى سويف ولو اشتغلت بى30 جنية ابقى الحمد للة وانا اسمى طة المصرى وبقول مشروع فااااااااااااااااااااااااااااااشل

                                                                حذف التعليق
                                                                • Unknown photo
                                                                  Unknown16 مايو, 2015

                                                                  انا من الاردن وفاتح محل فيه 25 جهاز عالي المواصفات وخطين نت 24 مغىى بايت ث وديكور مرتب وحولة الاجهزة كلها على نظام النت ورك جيمز يعني العاب اون لاين الشغل فرق 360 درجة تكلفة المحل 35000 دولار يعني من الاخر حاب تكسب وتشتغل افتح محل صح ونافس الجميع بفضل الله وحمده الدخل اليومي من 200-300 دولار يوميا

                                                                  حذف التعليق
                                                                  • Mohammed Salem photo
                                                                    Mohammed Salem26 فبراير, 2016

                                                                    ده كلام مضبوط انا فعلا بفكر اعمل هذا المشروع بس باجهزة بامكانيات عالية للجيمز الجرافيك العالي ونت سريع لأن ياجماعة دلوقتي تقريبا كل بيت في كمبيوتر فايه اللي ها يخلي الناس تيجي عندك الا اذا قدمت اختلاف ، انا لما عملت دراسة جدوى فعلية وجدت تكلفة رأس المال 50000 جنيه مصري بس بداية صح وها يبقى شغل صح

                                                                    حذف التعليق
                                                                  • Unknown photo
                                                                    Unknown16 مايو, 2015

                                                                    نصيحة تبدأ ضعيف رح تضل ضعيف وكل المنافسين يلطشو فيك في السوق ويخربو بيتك ابدأقوي تستمر قوي وتقوي وما حدا يفكر ينافسك

                                                                    حذف التعليق
                                                                  • Unknown photo
                                                                    Unknown15 نوفمبر, 2015

                                                                    اخر تعليق اللى هوة تبدأ قوى تفضل قوى هو الاصح

                                                                    حذف التعليق
                                                                    • غير معرف21 أغسطس, 2016

                                                                      انا فى المجال ده بقالى 10 سنوات والحمد لله المشروع ناجح بفضل الله اولا وبفضل خبرتى العملية من قبل ومتابعتى لسير العمل واعتمادى على التطوير دائما ، بس هناك بعض الامور لازم تكون فى الحسبان علشان يبقى المشروع ده مريح ومربح ومتخسرش فلوسك اللى دفعتهاوهقول لحضراتكم النقاط السلبية والايجابيه للمشروع

                                                                      1 - مفيش دخل ثابت يومى يعنى ممكن فترة يبقى الدخل عالى وفترة ضعيف على سبيل المثال اوقات الامتحانات الدخل اليومى ممكن يبقى النصف عن المعتاد ومع بدايه الدراسه الدخل بيعتمد على الخدمات اللى بيقدمها الكافيه فى الفترة دى - زى كتابه الابحاث والطباعة والتصوير ودى لوحده بتعمل دخل كويس جدا
                                                                      2 - الانترنت فى حد ذاته لا يعتمد عليه لوحده فى الدخل والا هتقفل من الشهر الثالث وفى نفس الوقت لازم تكون سرعته عاليه علشان اكتر المستخدمين حاليا بيقضى اكثر اوقاته على الجهاز فى مشاهدة الميديا الالكترونيه ( يوتيوب ومواقع الميديا الاخرى وبالتالى لازم تكون السرعه فى المكان لعدد 15 جهاز لا تقل عن 8ميجا واى اعطال هتحصل على خط الانترنت اعرف ان دخل اليوم هيبقى الربع
                                                                      3 - بما ان الانترنت كافيه بيعتمد على الانترنت والالعاب فتوقع ان مستوى اعمار المستخدمين للالعاب من عمر 10 الى 20 سنه بيلعبوا العاب اونلين والعاب شبكه وبيحصل دوشه كبيرة جدا فى المكان وهرج ومرج ولازم مدير الشيفت بالكافيه يكون ذو شخصيه قويه ومرنه ويجيد التعامل مع الاعمار دى بشكل محترف كى يحافظ على سمعه المكان واستمرارية حضور الزباين
                                                                      4 - لازم تحديث باستمرار فى اجهزة الكمبيوتر علشان تواكب التطورات الجديدة لمستخدمى الالعاب لان نسبه كبيرة جدا من الالعاب بيتم تحديثها وبتطلب امكانيات اعلى لبرسسيسور الجهاز والرامات وكرت الشاشه وحجم الشاشه والا الالعاب دى مش هتشتغل ، فبالتالى مطلوب التحديث دائما وعمل ميزانيه منفصله لتحديث اجهزةالكافيه سنويا
                                                                      5 - صاحب الكافيه مش هيقدر يدير الكافيه لوحده لطول ساعات العمل يوميالازم يعتمد فى اختيارة للعاملين فى ادارة الكافيه على 3 نقاط اساسية ( الخبرة - الامانة - الشخصية) ودى معادله صعبه التحقيق فى اليومين دول واللى ينجح فى ايجاد المسئول عن المكان ويمتلك ال 3 نقاط دول يبقى محظوظ جداااا
                                                                      6 - لابد من استخراج كافة التراخيص التى تسمح بمزاولة النشاط والا المسئول عن الكافيه هيلاقى نفسه كل يوم فى المحكمه مع دفع غرامات باهظة تنتهى باغلاق المكان نهائيا
                                                                      7 - وجود كافيه بالمكان وتنوع المشروبات مهم جدا فى زيادة الدخل اليومى كما ان وجود حمام بالمكان مهم جدا جدا لانه بيضمن وجود الزباين فى المكان لفترة اطول تتعدى الساعتين الى 3 ساعات بدون انقطاع وده بيضمن عدد ساعات اكتر للتشغيل على الاجهزة والدخل يزيد اكتر
                                                                      8 - لابد من تقديم خدمات الطباعه والنسخ والتصوير والفاكس والاسكانر وطبع الاسطوانات وتحميل الداتا وانزال الويندوز بالكافيه وعدم الاعتماد على الانترنت والالعاب فقط وبكدا نضمن ظبط الدخل اليومى فى فترات الكساد بالنسبه لجميه ما يقدمه الكافيه
                                                                      9 - التكييف بالكافيه اهم من اجهزة الكمبيوتر وديكور وفرش المكان والاضائة من اهم عوامل الجذب للمكان ولازم يتصرف عليه كويس من البدايه
                                                                      10 - وجود برنامج للتحكم والمراقبه فى الاجهزة ووجود برنامج ديب فريز على جميع الاجهزة يحافظ على عمل الويندوز اطول فترة ممكنه ولضمان عدم تحميل مواد غير قانونيه او اباحيه على الاجهزة من قبل الزباين مع وجود برنامج اخر لتسجيل حساب كل الخدمات التى تقدم يعتبر شىء اساسى لا يعمل بدونه الكافيه
                                                                      11 - غير مسموح بوضع الاغانى والافلام والمسرحيات على الاجهزة حيث انه مخالف لحمايه حقوق الملكيه الفكريه ويضعك بسهوله فى مازق مع المصنفات الفنيه والاعتماد سوف يكون بشكل مباشر على اليوتيوب فى استخدام ما سبق
                                                                      - لابد من مراقبعة العاملين بالمكان واسلوب عملهم والدخل الذى يحققونه بشكل دورى
                                                                      12 - جميع ما سبق لو تم تطبيقه حرفيابالكافيه سوف يكون الدخل كالاتى باذن الله بالجنيه المصرى
                                                                      عدد 10 اجهزة الدخل الشهرى 12 الف جنيه
                                                                      عدد 15 جهاز الدخل الشهرى 14 الف جنيه
                                                                      عدد 20 جهاز الدخل الشهرى 16 الف

                                                                      ربنا يوفقكم جميعا

                                                                      حذف التعليق
                                                                      • Unknown photo
                                                                        Unknown30 نوفمبر, 2016

                                                                        طب انتا حبيت تساعدهم بفكرة مشرووع قولهم على كل التكاليف علشان يعملو حسابهم
                                                                        ياجماعه انا فاتح سيبر يعتبر متوسط
                                                                        عندى جهازين بلاستيشن 2 علشان شاشتين توشيبا 32 متكلفين 8000جنية
                                                                        و7 اجهزه متكلفين 7000جنية
                                                                        دووول بس 7000+8000=15000جنية غير المكان والنت والكرسى والتربيزات
                                                                        بصو معايا قول هتعوز 15 كرسى فى 40جنية حد ادنى 400جنية
                                                                        ايجار محل فى بلد ارياف 200جنية حد ادنى اوى لو فى مدينة اقل حاجة 1000 جنية
                                                                        انا عامل شبكة واى فاى مكلفين 2500جنية
                                                                        ولو عايز تعمل مشروفات خفيفة هتكلفك 500جنية حد ادنى
                                                                        تربيزات حوالى 500جنية ... غير جهازى الرئيسى مكلفنى 2000 جنية
                                                                        يعنى كلو كلو حوالى 20000بالو مقفلين وربنا يسترها عليك لو هتفتح فى مدينة من الضرايب وكدة ... والله المستعااان

                                                                        حذف التعليق
                                                                        • غير معرف21 فبراير, 2017

                                                                          شكرا للى ساهم بتعليق استفدت

                                                                          حذف التعليق
                                                                          • غير معرف07 مايو, 2017

                                                                            يا جماعه انا مصري عندي الكمبيوتر بيعدي تكلفته ١٥٠٠ جنيه اقل جوده اذاي احصل علي كمبيوتر رخيص وجوده معقوله

                                                                            حذف التعليق
                                                                            • غير معرف13 يونيو, 2017

                                                                              انانور من المطريةهاوز افتح نات

                                                                              حذف التعليق
                                                                              • غير معرف07 فبراير, 2018

                                                                                المشروع اساسا مكلف جدا فالأجهزة سعرها عالي والتربيزات والكراسي والكاونتر في الأستقبال ووجود طابعاتين علي الأقل واحدة ألوان وواحدة أبيض واسود وماكينة تصوير يعني مشروع يستر مايغنيش ناهيك عن قضية المصنفات كل سنة قضية علي الأقل ... ده مشروع فاشل اتمني الناس تحسب حسابتها صح

                                                                                حذف التعليق
                                                                                • صلاح هديب photo
                                                                                  صلاح هديب10 ديسمبر, 2018

                                                                                  من فضلكم لا داعي للاعب بعقول شباب في بداية حياتهم لأنه الخسارة في البداية تكون مؤلمة .. بالنسبة لموضوع السيبرات فالنت اصبح علي الموبايل والدخل من الأنترنت يعتبر قليل جداً مقارنة بالمجهود المبذول ثاينا والأهم هو ارتفاع الأيجارات والتكلفه بشكل باهظ مع دخل لا يساوي ذلك بالتالي فشل الموضوع اما بالنسبة لموضوع الطباعة فأنت محتاج مكان بجوار مصلحة حكومية كبيرة أو بجوار جامعة وايضا الإيجار عالي جدا في هذه الأماكن ... وأنصح الشباب بالبحث عن مشروعات تدار من علي الأنترنت ويوجد الكثير من المواقع للتسوق الأليكتروني والتجارة علي الأنترنت من انجح ما بالسوق كحالة عامة لإن تكلفتها بسيطة وبالتالي العائد سيكون كبير نظرا لإنخفاض المصروفات والله وحده أعلي وأعلم

                                                                                  حذف التعليق
                                                                                  • صلاح هديب photo
                                                                                    صلاح هديب10 ديسمبر, 2018

                                                                                    من فضلكم لا داعي للاعب بعقول شباب في بداية حياتهم لأنه الخسارة في البداية تكون مؤلمة .. بالنسبة لموضوع السيبرات فالنت اصبح علي الموبايل والدخل من الأنترنت يعتبر قليل جداً مقارنة بالمجهود المبذول ثاينا والأهم هو ارتفاع الأيجارات والتكلفه بشكل باهظ مع دخل لا يساوي ذلك بالتالي فشل الموضوع اما بالنسبة لموضوع الطباعة فأنت محتاج مكان بجوار مصلحة حكومية كبيرة أو بجوار جامعة وايضا الإيجار عالي جدا في هذه الأماكن ... وأنصح الشباب بالبحث عن مشروعات تدار من علي الأنترنت ويوجد الكثير من المواقع للتسوق الأليكتروني والتجارة علي الأنترنت من انجح ما بالسوق كحالة عامة لإن تكلفتها بسيطة وبالتالي العائد سيكون كبير نظرا لإنخفاض المصروفات والله وحده أعلي وأعلم

                                                                                    حذف التعليق
                                                                                    google-playkhamsatmostaqltradent