random
أخبار ساخنة

نفسى حد يعاكسنى .... إضحك مع بثينة ونسمة

.
هذا الموضوع له علاقة بقسم : إضحك من قلبك ، ثقافة لذيذة ، للنساء فقط




المشهد الأول :

" تتحدث بثينة مع صديقتها نسمة عبر الهاتف "

بثينة : نفسي حد يعاكسني أو حتى يرميلى ورقة فاضيه .. الولاد بيعدوا من جنبي كأني جزء من المرافق العامة .. حاسة إن أنا امتداد للرصيف ..!!

نسمة : الشباب مش بيحبوا الأبواب المغلقة .. افتحي أول زرار القميص عشان الشمس تدخل البلكونة .

بثينة : شعاع الشمس ضارب في المنور وياريته نافع .. كل ما أكلم واحد يقولى إنتى زى أختي بالظبط لغاية ما شجرة العيلة بقت بستان .. أنا بقيت محرمة دولياً ....

نسمة : ما تخليش اليأس يعملك انفصال شبكي.. لسه فيه طلبة مدارس ....




بثينة : دى عيال جيلي كلها آيسيهات محروقة ...

نسمة : الجيل الجديد دايماً ليه مميزاته يا بثينة ... أنا معلقة منهم اتنين فيهم واحد بكاميرا ..!!


المشهد الثاني :


" تظهر بثينة أمام مدرسة ثانوية وتستند بذراعها على إحدى العربات في إغراء "

" ينطلق الجرس المدرسي ليعلن نهاية اليوم الدراسي "

بثينة : تظل الابتسامة معلقة على وجهها لوقت طويل ولكن لا يخرج أحد من بوابة المدرسة !!

بثينة :
" بعد نصف ساعة تلاحظ الباب يفتح على مضض " ويخرج من البوابة كلب نحيل كان يشرب من حنفية الحوش ... قطع




المشهد الثالث :

" تجلس بثينة خلف شاب وفتاة في سينما وتستمع لحديثهما في حزن "

الفتاة : " للشاب " إيه أكتر حاجة بتعجبك وشايفها وارمة فيا ؟؟

الشاب : مؤثراتك الصوتية .. صوت خطوتك وانتى ماشية تطرقعى بالشبشب بيفكرنى بالفيشار وهو بيستوى وبيعمل جواية هزة قلبية .. زلزال في كل جسمي ..


المشهد الرابع :


" تتحدث بثينة مع شادي صديق الشات "




بثينة : هو إنت كل ما تكلمني تقولى افتحي الكاميرا .... ( مش أنا وريتلك صورتي قبل كده ؟؟ ) ........

شادي: الصورة ساقطة كادر ..!!

بثينة : أصلى كنت بجيب حاجه م الأرض ...

شادي: إحنا اتفقنا إن شكلك مش هيغير حبي ليكى ...

بثينة : " تفتح الكاميرا لعدة دقائق ويراها شادي " ...

شادي: لا يكتب شيئاً ...

بثينة : تضغط جرس .... أوعى تكون غيرت رأيك دا انت آخر واحد فاضلي ع الماسنجر ....

شادي: أنا كلمتي هي شرفي ولسه متمسك بكل شبر فيكى ...

بثينة : أخيراً لقيت نصي التحتانى ...

شادي: is now offline .... قطع


نفسى حد يعاكسنى .... إضحك مع بثينة ونسمة
علام الخفاجي

تعليقات

37 تعليقًا
إرسال تعليق
  • غير معرف21 أبريل, 2009

    ههههههههه بثينه انا موجود ممكن اصاحبك لو عايزة

    حذف التعليق
    • غير معرف22 أبريل, 2009

      ههههههههههههههه
      ههههههههههههههه

      باين عليها وحشة عالاخرررهههههههه

      ال عاوزة حد يعاكسها ال بلا خيبة انا كرهت نفسي من كترة المعاكسات وقلة الادب

      تحترم نفسها وتعقد ساكتة ومؤدبة لغاية ما تتجوز ^ـ^

      بوست جميل جدا

      تسلم ايدك

      حذف التعليق
      • علام الخفاجي photo
        علام الخفاجي22 أبريل, 2009

        شكرا يا نوارة نورتى مدونتى .... وميرسى على التشجييييع

        حذف التعليق
        • ابو المفاصل الواصل photo

          مش للدرجة دى
          دا احنا واخدين المركز الاول فى التحرش الجنسى
          عموما سخرية لاذعة
          اولاسعة

          حذف التعليق
          • VÖltaa photo
            VÖltaa25 أبريل, 2009

            ياعينى عليك
            لأ جامدة بجد
            تسلم ايدك يا خفاجى

            ويارب تنور مدونتى

            حذف التعليق
            • غير معرف16 سبتمبر, 2009

              لكل ساقطة فى السوق لاقطة وكل فوله ولكها كيال

              حذف التعليق
              • غير معرف24 أكتوبر, 2009

                هههههههههههههههه
                يا ريت انتي انا انا زهقت نفسي من كل المعكسات اصلي الجمال اليوم مش مفيد

                حذف التعليق
                • غير معرف13 نوفمبر, 2009

                  هههههههههههههههههه

                  حلوة طلع أوف لاين هههههههههههه

                  أخذت فيني ثواب كنت طفشان مرة

                  حذف التعليق
                  • غير معرف18 نوفمبر, 2009

                    هههههههههه حلوه بس مشاكسه ههه

                    حذف التعليق
                    • غير معرف21 نوفمبر, 2009

                      هههههههههههههه
                      طب والله جامدة بس شادي طلع ندل اوووووووووي
                      بس مش جديد هيه دي الشباب علي حق تخصص ندالة وبس
                      هوه احنا بناخد منهم غير ندالة وكدب وبس

                      حذف التعليق
                      • lovestory.2007@hotmail.com23 ديسمبر, 2009

                        على فكره انا مش راح ارد على الموضوع لانه بيضل مجرد نكته من اخ الخفاجي وتسلم شكر ضحكتنا على تفاهت بنات اليوم
                        بس حابب رد على الصباية خصوصاالمغرورات قال شو انا كرهت نفسي من المعاكسات ووحده بتقول الجمال اليوم مش مفيد عشان نقول انها جميله ما علينا وفي الاخر وحده مقروصه بتقول انوالشباب اندال ومش عارف شو اولا من الوقاحه وقلة الادب انك تردي كده ثانيا ده دليل على احساسك بعدم الثقه واحساسك بافضلية الشب على البنت في كل شي وهادا امر ماعليه كلام وعلى فكره هادا شعور كل البنات ودايما تفكيرهم تافه وحتى كلامهم تافه ومواضيعهم اتفهم .بس مش الكل

                        حذف التعليق
                        • غير معرف23 ديسمبر, 2009

                          هههههههه حضرتك ضحكتنى وربنا ميرسى اوى ع المقال الجميل اوى دة وع الضحكه ربنا يحفظ حضرتك يارب

                          حذف التعليق
                          • غير معرف26 يناير, 2010

                            الله يستر
                            --------------

                            حذف التعليق
                            • غير معرف03 مارس, 2010

                              بنت /// سن 19 سنه /// الله يستر عليكم يابنات كل ده تفاه بتاعه بنات وده سن المراهقه وبطريقه دي هتوقعي في الغلط كتييييير لازم تبقي عاقله وكل نظره لينا حرااااام عند ربنا وياما ترتكبي زنزب ياللي عايزاهم يعكسوكي

                              حذف التعليق
                              • Adel NIKE10 مارس, 2010

                                توبيك رائعوفعلا والله وللاسف ده اللى بيحصل وعلى فكرة والله احنا كاولاد بقينا نتعاكس من بنات والكلام ده والله عن تجربة شخصية

                                حذف التعليق
                                • غير معرف20 مارس, 2010

                                  لالالالا فكرتي عن الموقع اتغبرت طب والله العظيم الشباب بيعاكس المنتقبه هو انتو مفيش غير البنات اللي كل شويه تطلعوهم غطانين هوانتم مابتغلطشوش خالص لبنات اللي كده بس دول الولااد كمان بيحبو حد يبصلهموالشباب ادري ودي طبيعه في سن المراهقه انسو البنات شويه وفاكرو في حلول لحل بعض مشاكلكم في مصر ويا ريت محدش يقول عني كلام مش حلو اصبيكم مع ضميركم

                                  حذف التعليق
                                  • نشاز24 مارس, 2010

                                    هههههههه
                                    شادي ده طلع مش علي قد كلمتو
                                    هههه سودانا

                                    حذف التعليق
                                    • غير معرف28 مارس, 2010

                                      انا بعرف ان البنات لما يعاكسها شب بتفرح كتييييييييييييييرهههههههههههههههههههههههههههههه

                                      حذف التعليق
                                      • غير معرف21 أبريل, 2010

                                        انا اعتقد لما الولد يعاكس بنت يبقى استهزاء بها مش مجاملة ليها

                                        حذف التعليق
                                        • غير معرف29 أبريل, 2010

                                          ربنا يلعن البنات اللى بالشكل ده
                                          وربنا ياخد الولاد اللى ممكن تفكر بالشكل ده
                                          والله ياشباب فى اخره وفى نار وفى كمان جنه
                                          انا مش مصلح بس كل حاجه وحشه بقت عادى
                                          حرااااااام
                                          سبحان الله والحمد لله ولا اله الا الله والله اكبر ولا حول ولا قوه الا بالله

                                          حذف التعليق
                                          • ام يوسف12 مايو, 2010

                                            ايه ده يا اخواني: العرب فين وطنبورة فين فيقو بقى

                                            حذف التعليق
                                            • غير معرف13 مايو, 2010

                                              علي فكره حوار جميل جدا وكوميدي كمان وفعلا هو ده تفكير البنات في الوقت ده انت جبت من الاخر اساسا

                                              حذف التعليق
                                              • غير معرف23 مايو, 2010

                                                يا جماعه صح دلوقتى الوحشه بتتعاكس صدق الى قال الوحشه بتتعاكس صح والله بتحصل سعات وتتطلع راجل بس ياريت يكون كلامكم لطيف شويه ياريت من الاحترام مش لازم نكون نعرف بعض علشان نكلم بعض باحترام وادب وزوق . بس الموقع جميل اوى وعجبنى بجد.

                                                حذف التعليق
                                                • ibrahim_gomah29 مايو, 2010

                                                  من غير جدال الموضوع جامد وظريف وفيه مواقف بتحصل كتير مع صبيان وبنات بس قليلة ولكن بجد الموضوع عجبنى

                                                  حذف التعليق
                                                  • غير معرف13 يونيو, 2010

                                                    الموضوع لطيف طبعا .. وأنا أنضم للأخlovestry2007
                                                    فعلا الكام بنت اللي ردوا في الاول عايزين يبينوا نفسهم حليون ..
                                                    والاخت اللي بتقول انها زهقن من كتر المعاكسه تبقي كدابه 100000 مره إا قالت انها مش بتقول ده بنوع من الفخر ..
                                                    واوعي يا شاطره تفتكري ان المعاكسه لها علاقة بالجمال ... أبدا يا ماما ...
                                                    الل ماشيه محترمة في الشارع عمرها ما بتتعاكس حتي لو هي زي القمر ... اما بقي اللي ماشية لامؤاخذه بتتعاكس حتي لو كانت شبه اسماعيل ياسين ..
                                                    طبعا كده احنا عرفنا صاحبتنا بتمشي في الشارع شكلها ايه ....
                                                    تحياتي

                                                    حذف التعليق
                                                    • غير معرف16 يونيو, 2010

                                                      يا حرام بجد دا احنا اتخناءنا من المعاكسات و قله الادب و هيا نفسها حد يعكسها هههههههههههههه

                                                      حذف التعليق
                                                      • غير معرف17 يونيو, 2010

                                                        لا فعلا فى بنات كده كتير .. اطلبلى حاجه بقى .

                                                        حذف التعليق
                                                        • مصطفى البدراوي20 يونيو, 2010

                                                          هههههههههههههههه واو محاوره وحادثه تعكس لنا جيل هذا الوكت


                                                          الله يهديهم ان شاء الله

                                                          بالمناسبه انا من عندهم ههه

                                                          حذف التعليق
                                                          • غير معرف04 يوليو, 2010

                                                            شعب خايب بيدور ع المعكسات الخيبة وينسى انو فيه جنه ونار .

                                                            حذف التعليق
                                                            • غير معرف06 يوليو, 2010

                                                              اسلوب مظحك وشيق شكرا

                                                              واحدبكاميرا ههههههههههههههههه

                                                              حذف التعليق
                                                              • غير معرف11 يوليو, 2010

                                                                بصو ببصاته انا معتقدش ان البنت بشكلها ولو الولد بشكلو كان زمانى ماشى مع نص البلد لاكن الظاهر ان بثينه واخده الموضوع اوفر ومش واثقه فى نفسها والى بيبصلها بيحلقلها عشان بيكون باين عليها انها مش وثقه فى نفسها مش باين عليها انها وحشه ...... وشكرا (FIRE)

                                                                حذف التعليق
                                                                • غير معرف01 سبتمبر, 2010

                                                                  ياسلام سلم

                                                                  حذف التعليق
                                                                  • غير معرف11 سبتمبر, 2010

                                                                    يارت يابثنه ددنى ايملك وانا هضلعج

                                                                    حذف التعليق
                                                                    • غير معرف20 سبتمبر, 2010

                                                                      هند تيجى نبدل اصل انا زهقت من كتر المعكسات

                                                                      حذف التعليق
                                                                      • غير معرف18 أكتوبر, 2010

                                                                        كل انسانة مهماكانت دميمة تحب ان تكون محترمة وخاصة لو عندها حياء ؛ الا اذا..............

                                                                        حذف التعليق
                                                                        • غير معرف21 نوفمبر, 2012

                                                                          ممكن نبقا اصحاب

                                                                          حذف التعليق
                                                                        google-playkhamsatmostaqltradent